Radio, online – Liu husi seminar Internasional ne’ebe ho tema ““ Mai Ita Hamutuk Haburas Hanoin Ba Merkado”, Primeiru Ministru (PM) Kay Rala Xanana Gusmao dehan, Timor Leste atu avansa ba oin husi seitor oi-oin dalan importante mak tenki simu nasaun seluk nia esperensia.
PM Xanana Gusmao informa lia hirak ne’e iha Sentru Convensaun Dili wainhira loke seminar forum Kresimento inkuzivu Segunda, (6/2). Seminar ne’e halao durante loron rua nia laran. Seminar ne’e organiza husi Ministeiru Dezenvolvimentu Ekonomia.
Tuir PM Xanana atu avansa ba oin governu iha ona Planu Estratejiku Dezenvolimentu Nasional ne’ebe iha tinan kotuk PN aprova ona. Iha planu ne’e hakarak atu buka kria ekonomia forte ho prospria hodi sidadaun hotu- hotu bele hetan minoria ba produsaun ididak.
Moto governu AMP nian mak “Adeus Konflito Bem Dezenvolimentu”. Ne’ebe konsege iha tinan hat nia laran hadia investimento publiku ne’ebe halo Timor Leste iha 2008-2009 hetan kresimento bo’ot iha iha mundo.
“Iha tinan ne’e ita bele dehan katak Timor Leste hetan Propektiva barak ba buat ne’e iha 20 anos ida ne’e mak nasaun forte tuir Planu Estratejiku Dezenvolimentu Nasional,”PM Xanana komenta.
Iha okaziaun ne’e mos PM Xanana husu ba povu tomak hakarak investe ba Timor Leste atu lao ba oin tenke iha kondisaun hadia pratika no komportamento. Presiza adaptasaun tuir teknolojia nomos presiza saude diak halo estado sai forte no sai dinamiku halo populasaun sai modernu.
Partisipa iha seminar ne’e, Adjuntu reprezentantes espesial ONU iha TL Finn Rieske, eis Primeru Ministru Mari Alkatiri, Embaissador Indonesia Iha Timor Leste, Embaisada Australia, Embaisada Estadu Unidas da Amerika, Embaisada Malazya, no Sosiedade Sivil intenasional no nasional.
Discussion about this post