Radio, online – Misaun IV Governu konstitusional Aliansi Maioria Parlamentar (AMP) atu remata, iha okaziaun ne’e Xefi governu Kay Rala Xanana Gusmao halo refleksaun ho Ministerio Solidaridade Sosial hodi apela ba funsionairu publiku atu serviu povu no sai servidor povu nian, tamba funsionairu mak hanesan makina estadu ne’e nian.
Asuntu ne’e PM Xanana informa ba Diretor sira no funsionari MSS (2/2) iha Kaicoli. PM Xanana hatutan, funsaun publicu komprende nia papel iha konstituisaun estado tamba funsionairu diak estado ne’e sei la monu.
“Ita tenke hare ba oin, impakto saida mak ita nia institusaun infrenta. Iha rai barak kondisaun a’at tebes-tebes, tamba ne’e ita la bele hare ba ita nia sapatu ne’ebe foer. Ita tenki hare ba do’ok tamba ne’e mak hau dehan atu dezenvolve rai Timor ida ne’e Funsaun Puliku tenke hatetene nia knar,”Xanana akresenta.
Tuir Eis Komandante Gireleirus ne’e dehan, iha tempo Portugues la iha teknologia ida hanesan ohin loron, tamba ne’e hau husu Funsionariao sira lalika uza posibilidade hodi loke Facebook hodi tolok malun, insulto malun no estraga malu.
Xanana dehan tan, lideransa ne’e laos politku no Ministru sira deita maibe ema hotu ne’ebe involve iha prosesu ida ne’e. “Ita sei falta buat barak tamba ne’e hau husu ita lalika halimar demais iha ita nia servisu fatin,”Xanana apela.
Discussion about this post