Radio, online – Hanesan bibi atan diak la hare ema nia sidadania, hanesan Padre Guido Martins Niekosi SVD husi nasaun Indonezia, provinsia Nusa Tenggara Timor (NTT), Distritu Kefa, laran luak tebes ajuda lori fila mate isin Domingos da Cruz ne’ebe fila ba Aman Maromak iha dia (15/1) liuba.
Padre Guido Martins Niekosi SVD halao nia misaun pastoral iha provinsia gyonggido, Korea do Sul.
Iha tempo okupasaun Indonezia padre Guido eskola Sekundaria (SMP-K) Distritu Ainaro. Tuir planu Padre Guido akompanha matebian to’o iha Distritu Ainaro. Padre ne’e iha Timor sei semana ida.
Trabalhadores Timor oan iha Korea do Sul Benny Bau Mau dada lia liu husi face book dehan, estadu Timor la iha responsabilidade ba nia ema rasik, tamba mate isin rai kleur ona iha jelera laran.
“Ita la bele husi mate isin kleur hanesan ne’e, ami iha ne’e trsiti los. See estadu susar ba transporte ami iha ne’e bele tau osan hamutuk lori ami nia kolega ne’e ba halo’ot iha nia moris fatin. Ami mai iha ne’e tamba iha koperasaun estadu rua ne’e nian,”Beny lamenta.
Agora dadaun mate isin sei tau hela iha mostuairu ospital ninian, ne’ebe akompanha husi padre nain tolu, inklui padre Guido ho trabalhadores Timor oan reza ba matebian nia klamar.
Hatan ba kestaun ne’e, Marito Silva hanesan ema ne’ebe durante ne’e taumatan ba trabalhadores iha Korea do Sul dehan, agora dadaun ne’e governu halo ona tratamentu ba orsamentu.
“Semana ne’e nia laran hau sei ba hein iha Bali hodi simu mate isin nno lori mai Timor,”dehan Marito Tuir regulamentu matebian sei hetan asuransia mate nian hamutuk US $ 20.000.
Discussion about this post