Radio, online – Instalasaun Quartel Geral Falintil-Forsa Defeza Timor Leste (F-FDTL) hamutuk Ministerio Defeza iha Fatuhada ne’ebe kontstroi husi governu Xina atinzi ona 95%.
Vice PM Jose Luis Guterres ho nia komitiva halao vizita ne’e signifika kontruksaun ne’e besik remata to’o nia rohan. Vizita ne’e halao iha Kuarta, (11/1) Fatuhada, Dili.
Vice PM Jose Luis hateten, ”Ita hotu laran ksolok tamba tinan 10 resin oan instituisaun F-FDTL no Ministeriu Defeza halao knar la iha fatin. Ho edifisiu foun ne’ebe oferese husi governu Xina sei fo diak liutan ba futuru iha knar Forsa no Administrasaun nian”.
“Ita hare kontruksaun ba uma ne’e ho kualidade diak,”dehan Vice PM ho kontenti.
Ema segundu governu AMP ne’e husu ba F-FDTL ho Ministeriu Defeza atu uza edifisiu ne’e ho didiak no halo manutensaun hodi tau osanmentu tinan-tinan atu edifisiu ne’e kondisaun diak nafatin.
Sekeretario Estado Defeza Julio Tomas Pinto mos hateten katak, governu Xina intrega mai timor iha fulan Marcu no agora dadaun hein hela meja no kadeira.
Iha edifisiu nia oin iha jardin no lutu. Lutu sira sei monta kamera CCTV atu halo protesaun edifisiu no kontrola ema tama sai. Iha fulan ida ne’e inspesaun Xina sei mai hare uma ne’e nia kualidade ema hotu hateten katak iha Timor uma ida ne’e mak kualidade liu .
Discussion about this post