Radio, online – Relasiona ho kareta estadu ho no plat 03.358 G ne’ebé para besik My flower no Aje Bar nian iha Bairu Grilos, Direitór Geral (DG) Sekertariu Estado Formasaun Professional Empregu (SEFOPE), Jacinto Barros Gusmao Kuarta (11/1) kuaze tuku 10 dader mosu iha fatin redasaun Radio Liberdade nian hodi halo klarifikasaun ba asuntu ne’e.
Jacinto rekuinese katak, kareta ne’e ninia duni no nia bá duni iha bar refere tamba ninia kolega sira mak sms [short text message] nia.
Tuir Direitór ne’e, nia mosu iha ne’ebá laos ho intensaun seluk, maibe tamba ninia kolega sira mak sms nia atu bá hodi selu osan karoke nian bar refere, tamba nia kolega sira ninia osan la to’o.
“Tuir loloos ha’u atu ba tula ha’u nia ferik-oan iha defeza, maibe tamba hetan sms hosi kolega sira, entau ha’u liu hosi ne’ebá ho lalais. Ha’u bá hodi selu osan karoke nian tamba kolega sira nia osan la to’o,” dehan nia ba Radio Liberdade.
Nia afirma katak, nia bá iha fatin ne’e iha tuku lima ho balu lokraik no nia iha ne’ebá la kleur deit fila.
Tuir observasaun jornalista Radio Liberdade nian, Direitór Geral Jacinto tama iha bar ne’e kuaze 16.00 lokraik no pesoál seguransa ATTL nian momentu ne’e mós observa hela sa oras mak nia tama no sai.
Discussion about this post