Radio, online – Organizasaun No Govermental (ONG) Belun, halo monitorizasuan no analiza ba situasaun TL hodi dehan katak, iha eleisaun geral 2012 sei la mosu violensia.
Lia hirak ne’e hato’o husi Diretor Belun Luis Ximenes liu husi seminar tema refleksaun hamutuk ba kontribui paz no dame iha eleisaun geral 2012, ne’ebe halao iha salaun Joao Paul II Comoro, Tersa (20/12).
Seminar marka prezensa husi lider partidu politiku no mos orgaun sosiedade sivil nebe’e servisu hari’I dame.
Diretur Belun dehan, seminar ida ne’e mos hanesan parte ida atu fahe informasaun no mos haburas informasaun no sei dezenvolve sumariu oinsa fahe ba parseiru sira hanesan lider komunitariu nebe durante ne’e servisu hamutuk ho NGO Belun oinsa bele habelar informasaun.
Nia espera katak liu husi refleksaun ne’ebe barak parte NGO halao ne’e garante katak violensia la mosu iha eleisaun tamba festa demokrasia ema hothotu sei esperesa,defende ba ideologia no objetivu atu nune’e oinsa bele prevene numer violensia ne’e la as ou la akontese iha rai laran.
“Hau husu ba lider partidu politikus sira atu sai responsabilidade oinsa hametin dame iha festa demokrasia ,atu nune’e eleisaun lao ho justu kredivel,demokratiku tuir sistema demokrasia iha ita nia rai laran,”nia apela.
Iha parte seluk Sekertariu Geral Partido FRETILIN Mari Alkatiri iha ninia deskursu hateten katak, besik tama ona eleisaun ita komesa hanoin paz no estabilidade ne’e hanesan trauma ida tamba ne’e ita harak paz no estabilidade ,paz tenki mai husi ita ida-idak .
Alkatiri hateten katak,ita hanesan sidadaun timor oan primeiru tenki gosa ita nia direitu sidada nian ita hotu tenki promove paz no estabilidade no segundu paz entre ita ho ita nia vijiho oinsa bele promove entre ita ho ita nia vijinho.
Alkatiri afirma katak, paz no estabilidade tenki komesa husi respeitu ba valores demokratikus , paz no estabilidade tenki komesa hahu ho respeito ba konstituisaun ba lei ,no tenki hahu ho Honestidade iha kampanha politika. Labele uza povo nia trauma para hatauk povo hodi nune’e la bele vota ba partido A ou B.
Katak nia,Jerasaun foun katak jerasaun tuan mak hafahe jerasaun foun ,jerasaun tuan dehan jerasaun foun mak sidauk preparadu atu ukun rai ida ne’e tamba sidauk iha intendementu entre sira entau bainhira mak ita atu bele liu fase ida ne’e.
Discussion about this post