Radio, online – Nota entedementu ou Memorandum of Understanding (MoU) governu Australia ho Sekertariu Estado Formosaun Professional Empregu (SEFOPE hodi karuka trabalhadores 20 b servisu iha area turismo no hospitalidade.
Seremonia asina MoU ne’e halao iha salaun SEFOPE Kaikoli, Dili Kinta, (1/12). Objetivu MoU ne’e hanesan pasu importante ba TL hodi bele haruka nia trabalhadores sira entre idade 21-45 anos ne’ebe sei hetan selesionado husi SEFOPE bele ba servisu iha Australia, durante fulan ne’en (6) nia laran.
Sekretario do Estado Formacao Profissional e Emprego, Bendito Freitas hateten, trablhadores Timor oan hamutuk rua nulu 20 prepara atu ba servico iha Broome, Australia durante fulan 6 iha area turismo no hospitalidade.
Bendito hatutan, trablhadores timor oan sira ne’e premeiru grupu sei aranka iha dia 1 de Marsu 2012 ba servisu iha Austalia durante fulan 6, depois sira sei fila fali mai TL.
“Hau Espera durante fulan 6 trablhadores sira bele hetan esprensia ne’ebe kapas hodi nune sira fila mai bele ajuda sira nia moris liu-liu iha Ekonomia familia nian para atu halo mudansa ba halo transformasaun iha sira nia vida,”Bendito apresia.
Embaixador Australia mai TL Miles Armitage hatutan, negosiasaun hirak ne’ebe fo rezultadu ba akordu ida ne’e hala’o iha tempu rekorde ho espiritu ko’operasaun diak tebtebes.
Armitage apresia SEFOPE ba nia lideransa ho nia fungsionariu sira ne’ebe servisu ho maneira konstrutivu no efikas ho sira nia homologo Australianu sira.
Armitage senti ho programa pilotu temporada trablhador ne’e aumenta tan dimensaun foun ida ba relasaun entre Australia ho TL.
Discussion about this post