Radio, online – Liu husi asaun solidariedade, Movimentu Estudante Timor Leste fo apoiu ba povo papua Oeste atu ONU no nasaun Internasional atu fo auto determinasaun ba Povo Papua atu determina Direitos fundamental liu husi mundo no refleta ba dokumentus deklarasaun ONU nia ba deskolonizasaun, hodi hetan ukun rasik-an.
Tuir ajenda iha Kinta, (1/12) movimentu solidaridade estudante atu halo asaun pasifika iha kapital Dili, hahu husi Ministerio Negosiu Estrangeiro mai to’o Embaxada Indonesia nian maibe la konsege tamba falte kordenasaun ho polisia. Ho ida ne’e estudante sira iha ema nain ida mesak mak lori atributu ( bandeira West Papua) hodi lao iha kampus UNTL, Faspol nian laran mai to’o iha Kolmera.
Liu husi karta deklarasaun Porta Voz Efrem Vieigas hateten, hanesan loron deklarasaun Independensia Povo West Papua husi Kolonialista Holanda, Historikamente rai West Papua hanesan nasaun Ida ona.
Maibe depois Indonesia hetan nia independensia iha 1945 sira hahu halo manipulasaun Hodi kobre Rai West Papua ba parte teritorio Indonesia nia.
“Aktu ne’e, ami konsidera Indonesia komete violasaun diretus humanus fundamental husi deklarasaun ONU nian no lei Internasional sira, tamba seidauk konsidera no rekoinese povo Papua Oeste nia istoria no nia direito politico,”Efrem kestiona.
Tamba ne’e, Porta Voz dehan, hanesan movimentu estudante TL durante ne’e fo solidaridade ba Povo West, Papua ne’ebe iha tempo naruk ona moris hela iha persigsaun rejime militar ditadura Indonesia iha loron ba loron.
“Ami ijiji ba nasaun Indonesia atu respeita West Papua sira nia direito ba Ukun rasik an liu husi dalan auto- determinsaun, hapara diskriminasaun Kontra direitus humanus West papua agora kedas. Husu ba autoridade Indonesia nian atu dada lalais sira nia military ( TNI ) husi rai West Papua. Husu ba ONU atu aslera referendum dalan diak hodi rezolve West Papua nia distinu,”nia komenta.
Iha oportunidade ikus liu estudante husu ba governu TL atu tau as liu interese Umanidade. Tamba TL nia Luta uluk mos hetan solidaridade masimu husi rai seluk.
Discussion about this post