Radio, online – Hodi hanoin ba loron moris radio Liberdade (RALIBER) iha dia 28 de Outobru 2010 hanesan aniversairu ba dala I, komisaun organiza hamutuk ho fans RALIBER organiza jogu foot ball entre radio sira mak hari iha kapital Dili.
Ba premeiru Anversario Radio Liberdade Loke Jogo Foot ball Durante loron 4 nia laran hahu 25-28 de outubru hodi hasoru loron aniversario ne’ebe monu iha 28 de Outubru 2011.
Antes jogus ne’e hahu Acting Director TLMDC Alberico Junior loke jogus ne’e ho tebe bola simbolikamente nebe mak akompanha mos xefi komisaun organizadora no Prezidente Fans Radio Liberdade FM Bitu Osama ne’ebe mos asumi kargu hanesan xefi Aldeia kampong Alor Dili.
Acting TLMDC hateten, jogus ne’e halao atu radio hotu-hotu bele konhese malu diak liutan no mos oinsa kria amizade entre radio no fans para bele metin liu tan.
“Ita hein deit, bainhira iha posibilidade ita halao jogus nebe mak diak liu tan maibe hau labele promete,” katak Alberico.
Eventu ne’e halo penonton sira nadodon no fens husi radio ida-idak fo suporta ba sira nia ekipa hodi basa liman no fo motivasaun.
Jogu ne’e realija tamba hetan suporta osamentu husi Timor Leste Media Development Centre TLMDC.
Stasiun Radio mak partisipa iha jogu ne’e hanesan radio klibur, radio rakambia, radio loriku lian, radio akademi, UNTL, radio Unpaz, radio komunidade Matebian Baucau, Centru Radio Comunidade no radio Liberdade. Tuir ajenda final iha dia 5 de Novembru.
Discussion about this post