Radio, online – Uniaõn Nasional de Micro Empresas (UNAME) Timor Leste, hamahon-an iha CCI-TL husu ba governu tau matan no hare kondisaun empreza ki’ik ne’ebe oras ne’e dadaun empreza bo’ot sira halo intimidasaun tanba ho kapital bo’ot.
Lia hirak ne’e hato’o husi Prezidente UNAME Fernando Vieira Soares liu husi konferensia da empresa Kuarta, (26/10) wainhira ba vizita empreza ki’ik ne’ebe foin lalais ne’e polisia lori boldozer ba sobu sira nia hela fatin no agora sai abandona hela.
Prezidenti UNAME ne’e kestioan ba ko’operasaun parte governu nian ne’ebe mak la fo atensau liu ba empreza ki’ik maibe ba hamutuk ho emprezadu Timor Plaza nian hodi duni sai povu ki’ik sira mak buka moris iha lona okos.
“Sira gusur komunidade uma kain hamutuk sanulu resin sia (19) hanesan funu serka inimigo ho forsa obriga tenki sai tuku lima dadersan,” Fernando kestiona.
Fernando mos kodena governu la familiar ho nia povu rasik hodi viola lei inan konstituisaun RDTL kapitulu 50 ne’ebe hateten, governu nian suporta no taumatan ba empresa familiar ki’ik ou micro.
Fernando afirma katak, banhira forsa atu duni uma nain tenki fo oras oras rua ka tolu hodi halibur sasan sira ne’e maibe polisia la fo tempu maibe at liu mak lori ekipamentu hanesan bolduzer dudu no sobu estraga kios no uma uma kain 19 mak durante 1999 hela iha area refere.
“Hau triste banhira hare hahalok governu ne’e, governu tenki tau matan ba Empreza ki’ik iha nasaun nia laran maibe governu rasik mak halo hahalok hanesan ne’e ida ne’e kontra ona lei inan konstituisaun RDTL,” nia akresenta.
Hatan ba problema hirak ne’e patraun Timor Plaza Jape Kong Su hateten katak, antes atu hasai komunidade sira iha hela fatin ne’e, governu liu husi Ministra justisa hato’o ona karta ba sira maibe sira mak la koi sai tamba sira hakarak husu osan bo’ot.
Jape konfesa katak, rai ne’e rasik governu mak fo aluga Timor Plaza hodi loke loja Dili Plaza tamba estadu atu halo sidade Dili sai diak.
Nia parte rasik halo ona konstrusaun uma hamutuk rua nulu resin hat (24) pronto ona no balu monta kedas be’e mos, elktrisidade, parabola no televizasaun iha parte Bebonuk.
“Sira lakoi ba hela iha uma ne’e maibe sira hakarak husu osan bo’ot,” Jape esklarese.
Discussion about this post