Radio, online – Atu reforsa liu tan servisu assistansia ba vitima Bazea ba generu, Australia Federal Police, liu husi Timor Leste Police Deveploment Program (TLPDP) oferses ekipamnetus servisu hanesan komputador Rua (2), printer tolu (3), toner printer hat (4) , kertas HVS kaixa hitu (7) no USB Sanulu ba NGO forum Komunikasi Untuk Perempuan Timor Loro Sa’e (FOKUPERS), Kuarta (26/10) iha edifisiu FOKUPERS Farol, Dili.
Diretora Executiva FOKUPERS,Maria Barreto iha ninia palestra hateten, FOKUPERS servisu hamutuk ho parseiru , Australia Federal Police, liu husi programa Timor Leste Police Development Program(TLPDP) iha tinan 2010.
Diretora ne’e hatutan, programa Timor Leste Police Development Program(TLPDP) hanesan NGO ida ne’ebe la bele ses an husi NGO ida ne’be servisu ba iha asistensia ba vitima bazea ba generu. Tamba ne’e iha tinan 2110, FOKUPERS hanesan organizasaun ne’ebe iha relasaun servisu makas ho PNTL no mos UNPOL tamba ne’e FOKUPERS kolaborasaun parseira ho TLPDP hahu ho rehabilitasaun ba iha uma mahon ba FOKUPERS.
Diretora fo sai numeru kazu bazea ba generu ne’ebe hetan husi Polisia Nasional BPU no polisia Distritu hotu katak numeru sae nafatin maibe fatin ba uma mahon mak la sufsiente atu simu vitima sira.
Ho apoiu husi TLPDP fo Dezenvolvimentu ba iha uma mahon FOKUPERS nian atu bele sufsienta nomos fo apoiu vitima sira ne’ebe presiza fatin seguru wainhira vitima la pronto atu fila ba iha familia..
Kolaborasaun entre TLPDP ho FOKUPERS idan ne’e laos remata ho rekonstrusaun ba uma mahon maibe depios husi Australia Federal Police mos hare katak presisa iha kapasitasaun ba staf FOKUPERS nian tamba staff sira servisu durante 24 oras ne’ebe atu atende vitima ho parseira liliu PNTL no UNPOL
Tuir planu TLPDP sei fo kapasitasaun ba iha sfat hotu iha FOKUPERS liu husi kursu Ingles, maibe sei ajuda nafatin ba FOKUPERS iha difisil.
Programe Manager TLPDP, Melita Ziolonko hateten, TLPDP sente kontente banhira fo apoiu ba FOKUPERS, tamba ajudas ida ne’e hanesan pasu ida ne’ebe positive. Apoiu ba servisu asisitensia ba vitima ne’ebe ho hanoin katak iha kolaborasaun no servisu sai diak liu. Ida ne;e sei bele prevene violensia kontra feto iha nasaun ida ne’e.
Ziolonko hatutan, sente haksolok tebes kona ba asuntus ba iha ema vurneravel, liliu ba iha vitima violensia domestika.
TLPDP sei kontinua suporta ba buat ne’ebe FOKUPERS hasoru. Esperansa iha futuru oin mai sei kontinua bele iha komitmentu fo suporta nafatin. Importante iha tempu oin mai vitima violensia bazeia ba generu ne’e bele menus.
Discussion about this post