Hari PUN Laos Atu Kandidata ba Prezidenti Republika

Radio, online – Fundador Partido Unidade Nasional (PUN Fernanda Borges deside ona katak desde hari PUN no iha tinan sanolu nia laran PUN  laos atu foka liuba kandidata Prezidenti da Republika maibe PUN nia visaun no misaun hari ne’e hakarak atu hadi povu nia moris no kria servisu baziku ba povo.

Prezidetin PUN Fernanda Borges iha nia intervista go radioliberdadeonline foin lalais ne’e iha uma fukun Paralmetu Nasional. Fernanda dehan, PUN iha nia strutura deside ona katak tinan sanolu nia laran PUN la kandidata nia ema ba kompete Prezidensial, maibe PUN mos agora fihir didiak tamba kandidatura Prezidensial barak tebes.

“Ami sei ejiji ba kandidatura Prezidensial atu kontinua hakilar korupsaun, buka justisa ho rekonsiliasaun hamutuk, tenke halo implementasaun relatoriu CAVR no relatoriu CVA. Ami ejije mos kadidatura Prezidensial  katak ita nia F-FDTL no PNTL atu la  viola povo nia direitos hunanus,” dehan Borges.

Tuir Borges PUN atu fo nia votus ba kandidatu sira laos fihir ba kadidatu ida, maibe fihir  ba politika. Tuir PUN kandidatu  barak la defende tuir PUN nia prinsipiu. PUN fo votus konfiansa ba kandidatura ne’ebe iha interese nasional.

Borges dehan see kandiadatu ida mak iha duni intereses ba povu kiak ida ne’e ho futuru nasaun nian PUN sei sei to’o iha baze  hodi husu povu nia apoiu.
PUN hare ba kadidatura ne’ebe koalia deit atu hasai povo sai husi mukit no kiak ne’e PUN sei la fiar. PUN sei hare didiak, tamba tempo to’o ona povo ne’ebe halerik hela, ba justisa ho justu ida ne’e mak PUN mos nia hakarak.

“Lei rua mak institutu memoria no reparasaun memoria ne’e tempo to’o ona atu povu moris iha independent no diak nia laran tamba povo barak mak sai fitima ba ita nia independensia,”Borges husu kandidatu sira atu fo atensaun. 

Entertantu tuir kondisaun politika iha tereinu kandidatura ne’ebe sei kandidata-an ba Prezidenti  da Republika iha eleisaun 2012 mak hanesan. Fernando Lasama de Araujo husi PD, Jose Ramos Horta, aktual Prezidenti da Republika, Taur Matan Ruak, Eis Major General F-FDTL, Maunel Tilman husi KOTA no Abilio de Araujo husi PNT.