Radio,Online – Hatan ba kazu ne’ebe espalinha iha publiku nia le’et nune’e mos fo sai husi media nasional ne’ebe deskonfia eis sekertaria Ministru Agrikultura no Peskas Mariano Assanami Sabino hetan detein iha aeroprtu Darwin, Australia tanba lori osan ho montante US$ 400.000,00.
Lakoi rumoris ne’e lao hela deit, Eis Sekertaria Ministru Agrikulatura no Peskas Lili Ribeiro liu husi konferensia da empresa Kuarta, (12/10) iha nia loza mini market, Aitarak Laran, Dili.
Lili hateten, razaun halo konferensia ne’e hodi responde ba Deputadu sira iha PN ne’ebe dehan deskonfia feto ida ne’ebe uluk Eis Sekertaria Ministru Agrikulatura no Peskas hetan detein iha Darwin husi Alfandega tanba lori osan ho montante US$400,000,00. Lili Riberio dehan, durante fulan ne’e nia laran nia nunka ba Australia.
Hodi hatudu faktus, Lili mos hatudu nia pasaporte sidadaun Timor nian loke ba jornalista hodi hare dereitamente, ne’ebe iha pasaporte ne’e laiha vistu Lili ba Austalia. Iha pasaporte so iha vistu Indonezia nian ne’ebe mak Lili ba kompras sasan hadi loke ninia mini market.
Lilis mos hatete razaun hodi responde ba rumoris ne’e tanba iha blokspot Fretilin nian temi Lili nia naran, hanesan feto ida mak detein iha Australia.
“Hau la ba Australia ne’ebe saida mak Deputadu sira koalia iha parlamentu ne’e bosok no falsu deit. Hau husu ba Deputadu sira tenki respeitu hau nudar feto ida nomos sidadaun TL. Hau husu labele akuza hau ho lia bosok,”dehan Lili ho tristi ba defamasaun ne’e.
Responde ba lia fuan Lili Ribeiro dehan Deputadu labele bosok no koalia lia falsu, Deputado Inacio Moreira husu ba Lili lalika tersinggung demais. Inacio dehan Lil, biasa tiha deit karik diak. Razaun Inacio dehan hanesan ne’e tanba Deputadu foti kazu ne’e iha uma fukun PN dehan ba feto Timor oan lori osan US$ 400,000,00 ne’ebe detein iha Australia la temi ema ida nia naran..
Deputado Inacio husu ba Lili atu husu lolos ba Deputadu husi CNRT Paul Fatima Martins tamba Deputadu ne’e mak fo sai infromasaun ne’e, tanba assesu iha internet, hodi levanta iha plenaria. “Hau la temi ema nia naran, hau husu ba Lili labele sente an,”nia husu ba Lili.
Deputado ne’e mos seidauk fiar ba deklarasaun Lili nian dehan durante nunka ba Australia. Deputadu ne’e husu ba PNTL ka Ministeriu kompetente atu buka tuir Lili nia pasaporte ne’ebe iha.
Antes ne’e Ministru Negosiu Estranjeiru Zacarias Albano da Costa ne’ebe halo kontaktu ho Ambaxador TL ba iha Australia dehan katak, durante ne’e laiha ema timor oan ida, feto ka mane hetan detein husi polisia Australia.
Zacarias husu konaba kazu ne’e hanesan lia rumoris deit no lia bosok. “Ami halo konfirmasuan ona ba Austalia dehan laiha kazu detein ema ida husi Timor Leste,”dehan Zacarias .
Discussion about this post