Radio, online – Sosiedade Sivil Luta Hamutuk (LH) rekomenda ba governu Aliansa Maioria Parlamentar (AMP) ne’ebe lidera husi Kay Rala Xanana Gusmao atu uza Orsamentu Geral do Estado (OGE) 2012 ne’ebe ho valor bo’ot US$1,763.4 millhoes hodi atende maximu ba problemas sosial povu TL tomak.
Kestaun ne’e hato’o husi Diretor LH Mericio Akara Kuarta, (12/10) liu husi konferensia da empersa iha nia knar fatin Farol, Dili.
Diretor ne’e hatutan, orsamentu OGE 2012 ho montante estimadu despezas hamutuk US$1,763.4 mil millhoes, ne’e sae signifika teb-tebes no kuaze representa 77% kompara OG2011. Ho hanoin katak, orsamentu mak b o’ot no sae signifikadu tebes bele resolve mos problema nasional lubuk ne’ebe povo infrenta no hein dala ida tan ba orsamentu ne’e nia impaktu.
Iha okaziaun ne’e, LH hakarak apela no hafanu entidades estado hotu ho aumenta proposta OGE 2012 to’o 77% tenki sukat ona ninia impaktu dereita ba povo rai doben, Tenki hadia nia kualidade ezekusaun, kualidade projeitu, kontrollu ne’ebe efikas, transparente no lei tenki implementa ho regorozu.
Tuir LH OGE 2012 foti liu rendimentu sustentavel estimadu 3% husi fundu pestrolifero, tau as nesesidades baziku povo nian iha prioridade.
LH kestiona ho valor OGE 2012 ne’ebe bo’ot la refleta kapasidade governu nain no LH rezeita planu imprestimus iha proposta orsamentu 2012 hamutuk US$ 33,1 millhoes de dolar husi estranjeiru.
Tamba ne’e husu ba governu OGE 2012 ne’e tenki ajuda povo ne’ebe sei moris iha mukit no susar nia laran no mos banhira atu implementa programa ruma tenki ninia resultado ne’ebe diak hodi nune’e povo mos sente
Diretor ne’e informa mos durante LH ninia monitoring no observasaun iha Distrito, sukus to’o Aldeias mosu prekupasaun oioin kona ba orsamentu tinan 2011 nian ne’ebe povo sidauk senti nia impaktu, maski hatene katak despeza orsamentu aumenta bo’ot kada tinan.
Hahu husi 2006. Durante AMP lidera governu seidauk konsega resolve problema kiak nia abut no pior liu tan mak povo maioaria moris kiak ba bebeik,
Discussion about this post