Radio, online – Eleisaun jeral 2012 besik ona iha odamata. Prosesu politika iha nasaun demokratiku involve mos partisipasaun feto ho mane. Hodi kompete diak liutan priense feto nian iha vida politika, Sekertaria Estadu Promosaun Igualdade (SEPI) hamutuk ho sosiedade sivil organiza enkontru ho feto sira mak invole iha partido politiku hodi kria plataforma politika ninian.
”Enkontru ba dala tolu ne’e halao bazea ba ekontru dala uluk ne’ebe halao iha fulan Abril 2011 iha salaun Delta Nova ho tema”Preparasaun Eleisaun Presidensial No Eleisaun Geral 2012, SEPI Ba Futuru No Mos Kandidatura Feto Potensial”.
No ekontru ba dala rua fulan Julhu 2011 ho tema ”Feto Iha Vida Politika,”dehan Sekertaria Estado Promosaun Igualdade Idelta Maria Rodrigues iha salaun Delta Nova, Komoro (22/9).
Iha ekontru ne’e ba dala tolu ne’e SEPI ho sosiedade sivil ekonraza maluk feto sira ho tema ”Hamutuk Ita Bele No Forti : Hau Bele, O Bele, Ita Bele”.
Sekertaria Idelta hatutan, ekontru ba dala tolu ne’e hanesan dalan ida feto sira iha partido politika prepara an ba elisaun 2012, hodi promove igualdade no hakbit feto nia papel iha area politika espesifikamente.
Plataforma politika ne’ebe konsege tau ideia hamutuk iha area feto ho edukasaun, feto ho ekonomia, feto ho saude, feto ho politika, feto ho justisa no seguransa, feto ho kultura no feto ho media.
Sosiedade sivil mak hola parte ba diskusaun ne’e hanesan Rede Feto, Fundasaun Alola, CAUCUS, FOKUPERS no Yayasan HAK. Kuadrus politikus Vice presidente no sekertariu geral husi organizasaun feto partidu politiku OPMT, OMD, OMP-CNRT no OJP. Klibur Profesional hodi halo apresentasaun konaba oinsa organizasaun feto iha partidu politiku hirak ne’e nia preparasaun ba elisaun 2012.
Discussion about this post