IOM Apoiu Ekipamentu Informatiku no Kameoneta 2 ba MSS

Radio, online  – International Organization for Migration (IOM) fo apoio doasaun ekipamentus informatiku no kameoneta 2 ho tipu Mithubishi ba Ministeriu Solidariedade Sosial (MSS). Ajudasaun ne’e hodi asleira servisu MSS nian hodi atende povu iha nasaun ne’e.

Serimonia entrega sasan ekipamentus ne’e prezensa husi Embassador Komisaun Eropeia mai Timor Leste Juan Carlos Rey Salgado ne’ebe simu direitamente husi Ministra Solidariedade Sosial Maria Domingas Alves no Sekertario Estado Asistensia Sosial Dezastre Naturais Jacinto Rigoberto iha edifisiu MSS Kaikoli, Dili, Kinta (22/9/).

Ministra Solidariedade Sosial, Maria Domingas Alves ba jornalista dehan katak, seremonia entrega ekipamentus ida ne’e hanesan parte ida ba prosesu integrasaun doslokadus  ne’ebe hahu kedas iha fim tinan 2007 no  to’o taka fali iha tinan  2010.

Ministra Maria hatutan, prosesu ajuda material husi IOM ne’e dala barak.  “Ita   hanoin  integrasaun deslokadus mak taka kampo deit, ita fo osan ko’operasaun maibe prosesu de reintegrasaun deslokados prosesu ida ne’ebe konpleksu ne’ebe hola parte projeitu komunitarius. Hanesan halo eskola, loke estrada saneamentu sensu komunitariu ba suku, mini stadium no atu asegura rekonsiliasaun konvivensia ida foun harmonisa entre deslokados ho ema ne’e iha ita nia suku,”komenta MSS.

Ministra Maria afirma, OIM no MSS  atu halo prosesu ne’en hotu tenki liu husi  akordu prosesu ne’e halo hot. Ekipamntus sira ne’e tenki intrega fali ba MSS. Tamba ne’e seremonia  ohin ne’e  hanesan simbolika atu konklui traballho  no  konklui mos akordo ne’ebe halo entre MSS ho OIM.

Entertantu Embaissador Komisaun Eropeia Juan Carlos Rey Salgado hateten, ekipamentus ne’e prepara husi  IOM ne’ebe uluk uza iha tempo deslokdos.

“Hau mai entrega sasan ekipamentus ne’e ba MSS hodi ajuda sira   servisu, tanba area MSS ne’e importante tebes ne’ebe relasaun ho povu nia terus,”nia friza.

Ekipamentus ne’ebe entrega ba MSS ne’e, sasan ujadu ne’ebe durante ne’e ekipa Suku HALI halo filmajen ne’ebe relevante liu ho deslokau sira iha tempu krizi no prosesu reintegrasaun deslokadu ba sira nia hela fatin. Filmanjen ne’e hodi hafanu ema nia haoin iha futuru.