Radio, online – Sosiedade sivil ne’ebe tau matan ba asuntu Korupsaun, Lalenok Ba Ema Hotu (LABEH) fo apresia partido ukun rasik-an, FRETILIN hodi deklara katak, nafatin mantein paz no estabilidade iha elisaun Jeral tinan 2012 no kontra korupsaun tanba korupsaun mak hamonu nasaun no halo povu sai kiak.
Diretur LABEH Cristopher Henry Samson ba radioliberdadedilionline foin lalais ne’e wainhira akompanha durante loron ha’at FRETILIN halao kongresu ba dala III.
Cristopher hatutan, LABEH husu ba FRETILIN atu mantein pozisaun hodi hametin paz no estabilidade no foka korupsaun, hanesan dalan diak ba povu no nasaun ne’e nia diak.
Cristopher rekoinese katak, FRETILIN hatene LABEH nia misaun. Iha governu anterior no agora dadaun mos LABEH kontar nafatin. “Importante liu ba hau mak mesanjen husi Mari Alkatir katak ba Governo oin mai tenke tau prioridade konaba maritima no konba rai nian ida ne’e prioridade duni iha lina froteira, tamban nasaun ida nebe ukun-an ona, tenke ukun mos nia fonteira,”.
Husu konaba partido FRETILIN manan iha elisaun jeral 2012? Cristopher dehan, “Ba hau FRETILIN manan ka la manan, ne’e iha povu nia lima. Laos iha partidu nia liman, tamba partido ididak iha nia mehi atu manan hotu,” Diretur ne’e konfesa.
Agora dadaun iha partido 22 mak rejistu ona iha Tribunal Rekursu hodi kompete iha eleisaun jeral mai, liliu ba eleisaun lejislativu.
Antes ne’e, iha palestra III Kongresu FRETILIN Sekertariu Jeral Mari Alkatiri afirma katak, FRETILIN hanesan partido ne’ebe hanoin hodi uluk kedan ba povu nia diak, ne’ebe mak ohin loron povu moris iha ukun-an ne’e. Tuir Mari povu atu goza ukun-an ne’e FRETILIN afirma katak, hahalok Korupsaun, Kolusaun no Nepotizmu FRETILIN sei la tolera no kontra pontu premeiru.
“Iha 2012 mak FRETILIN forma governu sei la fo fatin ba Ministru sira halo korupsaun, see iha Ministru mak naok osan povu nian partido FRETILIN sei hasai ema ne’e,”hateten Mari ho firmeza.
Discussion about this post