Radio, online – Timor Leste Media Development Center (TLMDC) fahe sertifikado ba jornalista baziku hamutuk 27 nebe’e durate fulan tolu tuir treinamentu no fulan rua pratika iha intistuasaun midia eletronika no midia cetak iha Kapital Dili.
Diretur TLMDC Francisco da Silva Gari iha serimonia enseramentu entrega sertifikadu ba jornalista foin sae sira Kuarta, (7/9), iha salaun treinamentu TLMDC Kolmera, Dili.
Gari hateten , “Ita ema iha limitasaun ne’ebe husu ba partispante seidauk hetan fatin atu bele kontinua aprende tamba ita nia nasaun ida ne’e presija ema barak no presija ema kualidade,”
TLMDC hanesan instituisaun ba media iha nasaun ne’e, odamatan nakloke ba ema ne’ebe hakarak aumenta skiil iha area jornalismu nian, bele mai halo estajiu.
Diretur ne’e fo parabens ba partisipante nain ne’en nebe’e hetan ona servisu no fiar husi instituisaun midia balun, hanesan iha RTL, Independente, nomos Dili Weekly.
“Serbisu laos deit iha parte governu nian, maibe are jornalista mos ita bele hetan oportuniade iha fatin seluk maibe tenke estuda barak hodi bele iha konesimentu barak,”Gari husu.
Partispante treinamentu ne’ebe sai klasifikadu diak liu iha area online Leandro Sena hateten, ho partisipa iha treinamentu jornalista ne’e halo ema iha koinesementu barak liu husi treinamentu hatene ona saida mak jornalista nia kanar. Husi jornalista ita bele koinese ema matenek sira no ema bo’ot sira nune’e mos halo intervista ho povu.
“Hau tenta nafatin hodi aprende nafatin atu bele sai jornalista ne’ebe profesional. Hau sei lahaluha TLMDC ho nia staff fasilitador nebe’e fahe esperensia ba ami. hau mos husu Ba TLMDC atu kria mekanismu ba partispante foun atu sira atu sai jornalista nebe’e ho kualidade,”nia akresenta.
Lizia Fernandes klasifikasuan diak ihan area jornal nian, ne’ebe agora sai jornalista iha jornal Independente senti kontenti ho TLMDC programa iha treinamentu ba foin sae sira hodi dudu foin sae sira involve iha prosesu dezenvolvimentu nasaun ne’e liu husi area jornalizmu nian.
‘Hau sei aplika ba teoria ne’ebe hau hetan iha tereinnu. Maske sai vida jornalista ne’e todan maibe hau tenta atu hasoru,”nia komenta.
Discussion about this post