Radio, online – Prezidenti Republika Jose Ramos Horta informa katak, ho rezignasaun Maijor General Taur Matan Ruak foin lalais ne’e laiha relasaun Taur atu kandidatu-an ba Prezidenti da Republika iha eleisaun prezidensial 2012.
Xefe estadu dehan, sedu koalia konaba kandidatura prezidenti da Republika nian, maske mensiona kandidatura Matan Ruak nian ba prezidenti.
Hatan konaba kandidatura Matan Ruak nian sei la afeita mos ba Prezidenti atual Jose Ramos Horta nia kandidatura ba periodu oin mai.
Dehan Horta, “Ema hotu iha posiblidade atu sai Prezidenti da Republika, hateten Horta (7/9) iha Palacio Prezidenti Nicolau Lobato Aitarak Laran Dili.
Inkontru Komadante Supremu Jose Ramos Horta ho eis Maijor Jeneral F-FDTL Matan ruak foka liuba karta rejignasaun Taur Matan Ruak no progresu iha instituisaun F-FDTL ne’ebe koalia durante oras nia laran tuku 8:00 to’o tuku 10”15 Otl.
Depois hasoru malu ho PR Horta, Eis Maijor General Taur Matan Ruak hakat lao mai iha jornalista lubuk mak hein hela komentariu, maibe Taur lakoi fo komentariu ba pergunatas ne’ebe jornalista hato’o ba.
“Hau laiha komentairu konaba hasoru malu ho PR Horta,”dehan Taur hodi hakat ba liur sae dadaun kareta ne’ebe para hela.
Discussion about this post