Radio, online – Atu hametin liu tan Partido Demokrasia (PD) iha Timor Leste Prezidente PD Fernando Lasama de Araujo ho Prezidenti Partido Golongan Karya (Golkar) Aburizal Bakrie Asina Memorandum of Understanding (MoU), iha area kapasitasaun lideransa entre partido rua ne’e iha futuru hodi hadia ididak nia nasaun.
MoU ne’e partido rua ne’e asina Kinta, (8/9) iha Hotel Timor Dili. Prezidenti PD Lasama hatete, PD ho Golkar asina MoU ne’e importante tebes atu oinsa partido rua ne’e bele dezenvolve servisu hamutuk iha prosesu kaderizasaun no mos iha prosesu seluk-seluk tan atu fahe ba malu material Politika entre partido rua ne’e.
Lasama afirma liu tan katak, partido Golkar hanesan partido ida ne’ebe bo’ot tebes iha nasaun Indonesia tamba ne’e bele servisu hamutuk ho partido PD diak liu tan hodi nune’e partido PD mos bele dezenvolve iha nasaun TL ho diak liu tan.
Iha oprotunidade ne’e mos Lasama husu ba delegasaun Partido Golkar no Prezidenti Golkar atu partisipa Kongresu Partido PD nian ne’ebe sei halao iha fulan Dezembru loron iha dia 1 to’o 4.
Iha fatin hanesan Prezidenti Partido Golkar Aburizal Bakri hateten, hasoru malu ho partido rua ne’e primeiru halao ona iha kantor DPP Partai Golkar iha Jakarta Indonesia dia 11 fulan Juni 2011 liuba.
Aburizal Bakri reafirma, objetivu husi MoU ho partido PD ne’e atu servisu hamutuk iha area partido, ekonomia, Sosial, Kultural no hasae kapasidade lider partido nian no aspektu aspetu seluk ne’ebe importante hodi uza ba dezenvolve partido.
Lideransa husi partido rua ne’e hasoru malu ba dala rua atu koalia kona ba servisu institusionalmente entre partido rua ne’e iha futuru mai.
Discussion about this post