Radio, online – Deputadu CNRT Arao Noe de Jesus ho lia maka’s no hirus ba povu Suku Betano ne’ebe atu impede dezenvolvimentu nasional hodi hari sentru konstruksaun olio pezadu. “Povu laiha direitu protesta hari sentru elektrisidade ne’ebe hari’i iha rai estadu nian,”dehan Arao ba radioliberdaeonline foin lalais ne’e iha uma fukun PN.
Arao dehan, nudar ema Distritu Manufahi oan senti trsiti tebes ba autoridades lokal hodi hamutuk ho povu sira atu impede tiha kontruksaun ba dezenvolvimentu nasaun ne’e nian.
Arao hatutan, se’e ahi eletrisidade husi parte Costa sul mak lakan suku Betano mak responsavel ba nesesidade baziku povu nian ne’e.
“Ita hakilar konaba elektrisidade maibe iha grupo balu hakarak sei moris iha nakukun,”dehan Arao hodi lamenta ba asaun Xefi suku Betano ho komunidade sira halao asaun kontra foin lalais ne’e.
Tuir planu governu utiliza ba sentru eletrika ne’e los- los rai hektares 16, laos rai hektares 4. Rai ne’ebe atu halo sentru elektrisidade estados nian. Tuir Arao mosu deskontente ne’e tanba povu ho estudante sira laiha informasaun klaru lolos.
Primeiru Ministru Kay Rala Xanana Gusmáo uluk hateten ona, ai horis ne’ebe hetan tesi relasiona ho sentral eletriko ne’e governu la selu. ezemplo iha Distritu Lautem no Baucau ne’e ba tesi ai barak ikliu produtu mai be pobu la tau kestaun .
“Polisia kapturasaun estudante ne’e asaun seluk ona , tuir lei halo manifestasaun hateten katak tenke fo hatene iha polisia iha oras 48 ates tamba ne’e Deputado sira sei here tok lai mak mak halo investigasaun,”Arao komenta.
Iha fatin hanesan Deputado Bankada FRETILIN Francisco Jeronimo hateten sidadaun hothotu iha direitu atu halo manifestasaun.
“Manifestasaun iha razaun ruma, tamba povu sira iha Betano ne’e hatene sira nia moris no kondisaun hau husu ba governu tenki tau konsiderasaun atu trata kestaun ne’e liu husi dalan diak. Presiza solusaun ne’e ema hotu simu,”nia rekomenda.
Discussion about this post