Radio, online – Aban, (20/8) hanesan loron historiku moris FALINTIL ne’ebe komemorasaun dala XXXVI. Relasiona ho loron ne’e governu ne’ebe lidera husi Kay Rala Xanana Gusmao sei fo Desmobilizasaun no Rekoinesemento ba Falintil hamutuk 236. Esforsu ne’e hanesan prosesu governu komesa rezolve problmas Veteranus nain, maske seidauk rezolve total.
Lia hirak ne’e hato’o husi Veteranus Vidal de Jesus alais “Riak Leman” ba radio liberdadedili Sesta, (19/8) iha Palacio Prezidenti wainhira partisipa preparsaun ba loron 20 de Agostu.
Riak Leman hatutan, governu ida ne’e bele responde problema Veteranus balun tamba ne’e “Hau senti orguilu, tamba tuir hau nia hare katak situasaun ne’e uniko no vizaun ba oin em Veteranus halo tui lei tamba nasaun nia kbi’it iha njune’e emak rezolve problema maske sedauk rezolve hotu,”nia hateten.
Riak Leman apela, husu ba foinsa’e sira atu kaer metin unidade paz ba estabilidade ba rai ida ne’e, tamba Veteranus uluk luta hasoru inimigi iha iha tempo divisil tamba ne’e mak rai ida ne’e konsege hetan independensia.
“Ami Veteranus sira husu ba jersaun foun sira atu kaer metin unidade paz no estabilidade ba rai ida ne’e tamba rai ne’e hetan independesia ne’e tamba Veteranus moris iha tempo difisil ” Raik Leman fo hanoin.
Kompensensaun ba Eis Titularis Hatodan Dezpedas Estadu
Porta Voz Bankada Partido CNRT Aderito Hugo da Costa hateten, lei pensaun vitalizia ba eis titulares iha nasaun ne’e uniku liu iha mundu. Tamba eis titulares hotu hetan direitu husi lei refere ho 100% salariu hanesan mos funsinario ne’ebe mak aktivu hela.
Aderito informa katak normalmente estadu iha dever atu fo kompesa ema ne’ebe de’it mak serve estadu no nasaun hanesan servidor estadu permanete no kargu politiku sira. Maibe tipu husi kompesasaun nian tenki difini tuir regra ne’ebe mak normal tuir kondisaun nasaun nia kbi’it. Tuir lolos kompensasaun ne’e labele sae ba 100% se diak liu 50% ou 75%. Kompesensaun tenki hare ba real moris povu iha nasuan ne’e nian.
Aderito fo ezemplu katak iha tinan lima nulu mai, eis titulares iha nasuan ne’e sei aumenta hanesan husi Eis membru PN Eis prezidente da RDTL, Eis membru governu, Eis Prezidente Tribunal, ne’e despeza todan tebe-tebes ba ba pozisaun ne’ebe mak la aktivu.
“Dezpeza boot liu mak ema ne’ebe mak la aktivu ou deskansa ona iha uma sai probolema bo’ot iha futuru ba despeza estadu,”nia lamenta.
Discussion about this post