Radio, online – Iha loron 18 Dili Nakonu ho bandeira Mean. Partidu FRETILIN hala’o kampanya bada la ikus hodi haleu DILI. Joven, labarik, katuas no ferik mesak iha espiritu hodi tuir kampanya ida ne’e. Maibe iha loron tuir mai, iha ema balun ne’ebe hakarak sunu bandeira FRETILIN.
Dadersan madrugada 4.00 OTL, loron 19 Agustu 2012, iha kampong Alor, ema deskonyesidu sunu bandeira FRETILIN.
Iha loron ne’e kedas, Polisia Nasional Timor Leste foti medidas hodi ba halo investigasaun no seguransa iha fatin akontsementu.
Sunu Bandeira FRETILIN, ida ne’e akontese ba dala rua ona.Wainhira FRETILIN halo kampanya sempre iha akontesementu hanesan ne’e.
David Dias Ximenes , nudar membru Comite Central da FRETILIN (CCF), esplika ba jornalista iha fatin akontesementu katak, ema ne’ebe sunu bandeira FRETILIN ida ne’e hanesan krimi ona no FRETILIN entrega ba Orgaun Legal no Polisia hodi foti medidas.
Hatan ba perguntas jornalista kona ba karik grupu balun halo provakasaun ba elisaun partidu FRETILIN nian iha loron 20 Agustus 2011.
“Hau lakohi aprioria maibe kuandu ita hare tuir politika bele mos istimulasaun para impende elisaun hirak ne’e. Kuandu iha ne’e raut malu ona, entau elisaun labele halao ona, razaun tanba stabilizasaun laiha ne’e, elisaun mos labele halao,”David kestiona
David nudar mebru deputadu husi bankada FRETILIN hatutan katak, ami bolu seguransa hodi mai hare tuir oinsa nia kontiudu ba oin maibe se karik seguransa nasional labele ona, partidu FRETILIN bele atua sitausaun hirak ne’e.
Nudar partidu historiku ne’ebe luta hodi hosoru kolonializmu, mantein nafatin nia prinsipiu katak maske ema hakarak estraga no provoka partidu historiku ida ne’e, maibe FRETILIN nafatin mantein stabilizasaun no paz iha rai doben ida ne’e. tenik David.
Komandante Polisia Domingos Sarmento ne’ebe lidera membru PNTL iha fatin akontesementu ba jornalista hateten “ ami identifika ona no hetan suspeitu nain rua no ami sei kontinua halo investigasaun tuir Lei ne’ebe vigora”.
Iha parte seluk militantes FRETILIN husu ba polisia atu bele ko’opera ho diak atu nune’e bele detekta lalais se maka iha kotuk hodi sunu bendeira FRETILIN, tanba bendeira ne’e iha nia siknifikante ne’ebe boot. Husi Bandeira ne’e ema barak mak ran fakar no mate.. Husu ba Polisia atu lalika halo violensia hasoru ami nudar militants FRETILIN.
Vice Sekertario Jeral partido FRETILIN Jose Reis liu husi via telefone katak, polisia kaer ona suspeitu nain 2. Agora dadaun suspeitu nain 2 ne’e iha polisia nia liman ne’ebe tama iha ba prosesu investigasaun.Reis hatutan, ho hahalok at sunu Bandeira Fretilin ne’e sei la fo impkatu ba eleisaun dereita iha 20 de Agostu (aban).
‘hau apela ba militante no simpatizante Fretilin sira hotu iha nasuan ne’e atu labele foti asuntu ne’e sai problemas bo’ot, husi ba parte seguransa mak atende no husu atu prosesa autor ne’e ho lei mak iha,”Jose Reis apela.
Discussion about this post