Radio Online – NGO Non Govermental Fundasaun Mahein ne’ebe durante ne’e halo Monitorizasaun, Peskiza no halo Advokasia ba seitor Seguransa Defesa iha Timor Leste, halo lansamentu ofisial ba Website foun Fundasaun Mahein (FM) ne’ebe realija iha Salaun Hotel Timor,Quinta/11/8/11.
Director Fundasaun Mahein Nelson Belo Hateten katak, liu husi Website ne’e sidadaun timor leste bele asesu informasaun, ida ne’e mos hola parte oinsa fornese informasaun ba publiku.
Nelson Belo Afirma katak, Website Fundasaun Mahein ne’e haforsa FM nia lian ba debate nasional no Website ne’e sei kria debate barak entre Timor oan sira no mos iha rai seluk tamba relatoriu barak liu mak hakerek ho lian tetun tamba dalen tetun sei loke oportunidade ba Timor oan atu provoka hanoin no fasil liu atu asesu seitor Seguransa.
Iha biban hanesan ne’e Website Fundasaun Mahein mos bele promove dalen nasional tamba tetun nudar ofisial iha timor leste tamba ne’e liu husi Website ne’e importante liu mak bele kria opiniaun atu partisipa iha debate importante liu iha seitor seguransa, Dehan Nelson.
Katak nia Tinan barak nia laran timor oan sira luta ba ukun rasik an demokrasia no mudansa oinsa atu tuir lalaok konstituisaun, no Timor oan hetan tiha ona kondisaun hirak ne’e maibe demokrasia sei kria debate intensive no deferensia opinion sempre mosu.
Iha parte representante Secretariu Estado Segurnasa Joao Cortereal iha ninia intervensaun hateten katak seitor defesa no seguransa ne’e asuntu importante tebes iha kualker nasaun ida liliu ba nasaun ki’ik hanesan Nasaun Timor Leste,
Joao Cortereal Afirma katak liu husi lansamentu Website foun ne’ebe Fundasaun Mahein hari’I, hein katak, sei sai hanesan Ai rin bo’ot atu fortifika reasionamentu entre sosiedade sivil no governu tamba komunidade barak mak hela iha area remotas sidauk asesu informasaun tamba ne’e liu husi website ne’e bele asesu informasaun kona ba Defesa no Seguransa.
Entertantu representante Komisaun B Parlamentu Nasional David Dias Ximenes hateten katak, liu husi Lansamentu Website foun Fundasaun mahein ne’e ita bele hatene lalaok servisu Seguransa no Defesa.
Lansamentu Ofisial Website foun Fundasaun Mahein www.fundasaunmahein.org ne’e direitamente husi Directro Fundasaun mahein Nelson Belo, Presidente Komisaun B Parlamentu Nasional David Dias Ximenes no Representante Secretariu Estado Seguransa Joao Cortereal.
Discussion about this post