Aban, Timor Oan 20 Akaba Maestradu Iha Malang, Inklui Diretor TLMDC

Radio, online – Motor aranka ba dezenvolvimentu nasaun TL importante liu iha area edukasaun. aban (23/7), Timor oan nain 20 akaba ba maestradu (S2) iha Universitas GajaYana(UNIGA), Malang, Indonezia. Realiza maestradu ne’e tanba ko’operasaun entre IOB ho UNIGA.

“Agora dadaun sira nain 20 iha ona Malang aban atu wisuda ba maestradu. Ohin sira halao dadaun gladi bersih,”dehan Ko’ordenador Pasca sarjana Institute of Bussines (IOB), Lucio Ximenes L. Ec. MM ba radioliberdadeonline Sesta, iha nia kampus induk IOB Pantai Kelapa, Dili (22/7).

Lucio hatutan, Ko’operasaun IOB ho UNIGA Iha 2005.  Liu husi ko’operasaun ne’e fo wisuda ona estudante ho total 52. Iha etape premeiru estudante 32 mak sai maestradu, no aban, ba etape segundu estudante hamutuk 20.

Estudante mak atu wisuda ba maestradu segundu etape ne’e iha feto nain 5 no mane 15. Husi estudante 20 ne’e inklui mos membru Parlamentu Nasional Getrudiz Moniz husi bankada PD, nomos Diretor Timor Leste Media Development Centre (TLMDC) Francisco da Silva Gari, fungsionariu publiku nomos sosiedade sivil.

“Ema sira mak sai maestradu ne’e mesa servisu nain hotu,” Lucio esklarese.
Estudante nain 20 ne’e husi  fakuldade rua mak hanesan, jurusan jestaun finanseira no jestaun rekursu humanus.

Prosesu aprezisazem ne’e iha loron sabadu ho domingu, tanba iha loron ne’e mak dosente sira husi UNIGA mai hodi hanorin. Nune’e mos iha loron rua ne’e mos livre ba estudante sira.  fulan ida nia laran dosente husi UNIGA mai dala rua.

Prosesu tuir akademiku ninian, estudante sira tama ba semester 4. Iha ujian prososal halao iha IOB, depois ba ujian tesis tenki  ba UNIGA.

Esperansa husi IOB ba estudante nain 20 mak aban akaba maestradu fo vantazen bo’ot ba nasaun Timor Leste iha area rekursu humanus nian hodi dezenvolve nasaun ne’e ba oin. “Sira nia prezesan hodi kompleta no aumenta maestradu iha TL,”nia komenta.

Estudante kadidatu Maestradu (S2) Francisco da Silva Gari hatete, nia senti orgulhu ho esforsu agora dadaun nia hetan.
“Buat ne’ebe mak hau hetan sei aplika iha hau nia moris hodi fo prosesu tomak ba dezenvolvimentu nasaun ne’e,”Gari hatatete.