Radio, online – Problema Pagamentu Idiozus iha Distritu Viqueque Sub Distritu Viqueque Suku Caraubalu sai Prekupasaun ba Autoridade Lokal sira tamba idozosu balun la simu nia direitu to dala tolu (3) ona.
Xefi Aldeia Lamac-laran Augusto da Costa kasu lia hirak ne’e ba ekipa produsaun radio liberdade iha nia hela fatin Aldeia Lamac-laran Sub Distriru Viqueque Vila, Distritu Viqueque, Tersa, (19/7).
Tuir Xefi Aldeia Lamac-laran , konaba pagamentu ba benefisiariu sira lao la du’un diak tamba benefisiariu sira balun simu tiha ona osan ba dala rua (2) maibe atu simu badala tolu (3) nia Naran laiha fali. Total benefisiariu hamutuk ema nain 400 resin mak hetan subsidiu husi estadu. Maibe balu seidauk hetan tanba sei atraza ho problemas naran lakon.
“Hau la hatene razaun ne’e iha kraik ne’e mak la hato’o lista ne’e ba Governu ou husi Governu mak la haruk lista ne’e mai kraik”, tenik Augusto.
Lakoi ninia povu hetan diskriminasuan Xefi aldeia ne’e tenta nafatin hodi buka solusaun ba problema ne’e atu benefisiariu sir abele hetan sira nia direitu. agora dadaun ne’e Xefi Aldeia sira Rekoilha Kartaun Eleitoral Orjinal atu fo Xefi Suku sira atu lori ba Sosial atu hadia lista nebe iha nasional ne’e.
Iha oportunidade ne’e Xefi Aldeia Lamac Laran Augusto da Costa realsa, ba benefisiariu nebe jintiu Xefi Aldeia halo deit deklarasaun husi Suku para Fasilita sira atu hetan sira nia direitu. Aldeia Lamac-laran iha Suku Carau Balu ne’e prioridade ba feto faluk sira nia direito
”ema ne’e nia sertidaun Batismu laiha, hau halo deit Deklarasaun Suku nian para trata sira tau hetan direitu tamba orsamnetu nebe aprova ona husi parlamentu nasional tan ne’e mak ita halo jeitu oinsa para osan ne’e bele to benefisiariu sira nia liman se lae osan ne’e monu fali iha ema seluk nia liman,” Augusto konfesa.
Eis anggota DPR Distritu Viqueque ne’e akresenta, durante ne’e atendementu saude iha Distritu Viqueque ladun lao diak tamba pasiente moras todan tenki lori to Hospital Referal Buacau no hospital nasional Dili foin mak halo tratamentu ba sira nia saude. Klinika ne’e iha so que material Aimoruk mak ladun kompletu.
Problema nebe Sentru saude Distritu Viqueque hasoru mak ne’e Aimoruk laiha no dala ruma pasiente sira simu deit aimoruk Paracetamol no Amocilin deit.
Discussion about this post