Radio, online – Universidade Nasional Timor Leste husi fakuldade edukasaun halo interkambiu no koperasaun bilateral ho Universidade Victoria Australia. Husi relasaun ne’e hodi hametin unidade entre estudante sira atu aumenta estudante sira kapasidade iha area edukasaun nian.
Reitor UNTL Aurelio Guterres iha nia palestra Kuarta, (13/7) iha Liceu dehan, informa ba estudante sira katak programa UNTL sei halo koperasaun diak ho estudante sira husi rai liur mak hanesan Australia, Indonesia, Japaun, Brazil, no nasaun sira mak iha kontinental Europea.
Aurelio, husu ba estudante Departamentu seluk atu lalika tristi, tamba iha tinan oin estudante husi departamentu saude sei ba fali Iha Australia no Indonesia hodi halo interkambiu. iha serimonia iterkambiu ne’e hanesan despedida estudante Universitariu Victoria durante ne’e mai vizita TL.
“Hau fiar katak ita nia koperasaun bilateral ne’e metin atu ita estudante sira mos bele halo enterkambiu iha ema nia nasaun no ema sira husi nasaun seluk mos sei mai halo enterkambiu ita nia nasaun,” Aurelio komenta.
Programa halo koperasaun bilateral ne’e hetan apoi husi Diretor eskola husi Infantil to diretora Universidade. Partisipa iha serimonia despedida ho estudante universidade Victoria husi Diretor eskola primaria, sekundaria no reitor sira husi universidade iha Dili laran.
Discussion about this post