Governu Kria Diskriminasaun ba Petisionariu

Radio, online – Grupo Petisionairu ejiji ba governu RDTL, hodi deklara lolos ba sira nia statutu no hare didiak subsidiu ne’ebe fo hodi hamosu laiha balansu no diskriminasaun. Lalaok husi governu ne’e kria diskriminasau ba grupo Petisionariu.

Porta Voz Petisionairu Gastao Salsinha ba jornalista liu husi konferesia da emprensa iha Distritu Ermera, Gleno Segunda (4/7). Ejijensia ne’e mai husi Petisionairu ne’ebe mai husi distritu 10.

Salsinha hatutan, ejiji ba orgaun soberannu hodi deklara ba publiku konaba sira nia statutu. Tanba dala balu petisionairu hetan presaun hodi konsidera petisaun nudar, traidor, kriminozu, rebeldes no terorista.

Ho ida ne’e petisionariu ejiji ba orgaun soberanu sira atu hamosu konsensu ida deit hod foti desizau ba statutu petisionariu ho imparsial, justu, transparenti hodi nune’e bele garante paz no estabilidade iha nasaun ne’e.

“Ami ejiji ba orgaun soberanu RDTL, atu ofisialmente deklara statutu petisionairu nian hodi deklara ba publiku husi stadu ka governu hodi konsedera petisionairu hanesan militar, sivil, traidor, kriminozu, rebeldes ou terorista,”Salsinha kestioan.

Oportunidade ne’e, Salsinha ejiji ba Ministeiru defeza no Seguransa no ba instituisoens relevantes hanesan F-FDTL – PNTL hodi fo sai desizaun final husi akordaun tribunal da rekursu ne’ebe notifika ba F-FDTL- PNTL iha loronn 14-Julhu 2010.

Salsinha husu ba AMP atu tau matan ba F-FDTL ba petisionariu inklui major Alfredo Reinado Alves ne’ebe mate iha krizi 2008, espesial liu ba sira nia fen no oan ne’ebe sai feto faluk no oan kiak.

“Hau husu ba governu AMP fo subsidiu seluk ka fahe ba petisionariu tenki atende hanesan, tanba governu seluk deit balu balu lae. Lalaok ne’e laiha balansu no hamosu diskriminasun bo’ot,”eis Tanente ne’e akresenta.

Liu husi konferensia ne’e sira mos reafirma hanesan pozisaun militar to’o hetan disizaun ikus ne’ebe legal no eskrita husi orgaun kompetente.  Konaba subsidiu petisionairu nain 34 mak sei dauk hetan.

Grupo petisionariu mosu iha Instituisaun F-FDTL tanba mosu diskriminasaun hodi hamosu isu lorosae Vs loromonu, iha 2006.