Radio, online – Prezidenti Partido Unidade Nasional (PUN) Fernanda Borges Mesquita afirma katak, desde hahu hari PUN ho prinsipiu sensitivu no nakloke laiha Korupsaun, Kolusaun no Nepotizmu (KKN) iha nasaun ne’e, wainhira PUN lidera governu liu husi eleisaun 2012.
“Ami nia strutura rasik, ami ejiji ba lideransa sira. Ami iha partido laran iha ema ida indika halo korupsaun, ami ijiji rejigna husi kargu. Hanesan ami hasai Deputadu Mateus de Jesus tanba problema kareta. Povu sei terus ita sei la bele sae kareta diak. Nee partense ba kolusaun,”dehan Fernanda Borges wainhira partisipa seminar nakloke ho jornalista iha fundasaun oriente, Tersa (28/6) ne’ebe organiza husi Centru Jornalissta Investigativu Timor Leste (CJITL).
Borges hatutan liutan, PUN iha prinsipius no objektivu mak Promove liberdade politika no ema nia dignidade no kaer metin no perserva demokrasia liu husi eleisoens livres hodi hili governu nivel nasional ho nivel lokal.
PUN mos fiar katak se povu fo fiar hodi forma governu liu husi eleisaun 2012, sei hadia problema sistema administrasaun no membru governu mak halo korupsaun la tolera hodi ba deskansa.
Sistema administrasuan ne’e mak sai xafe importante hodi hasai povu husik mukit no kiak nia laran. Tuir PUN agora dadaun sistema administrasaun sei sabraut hela. Kahur tun kahur sae ho politika individual nia intereses.
Borges fiar katak KKN iha nasaun ne’e sei lakon wainhira partido hotu implementa hodi kombate moras a’at ne’e husi Partidu nia laran.
Iha oportunidade ne’e Sekretariu Jeral Partidu PUN Lucia de Araujo da Cruz hateten, funsaun sekretariadu exekutivu nia mak atu rejista membru partidu sira hodi konkore iha eleisaun jeral. Nune’e mos planu programa ne’ebe relevante ho povu nia presiza iha situasuan sira hotu. “PUN nia Programa mak hamenus kiak, liu-liu konaba servisus bazikus,” Lucia afirma
Sekretariu Jeral CJITL Filomeno Brito de Carvalho hateten, seminariu nakloke ne’e nia objektivu mak atu jornalista sira bele koinese diak liu tan partidu politiku sira.
“Seminariu ne’e hodi hamosu amizade entre jornalista ho lideransa partidu politiku nune’e bele amigo iha futuru”nia esplika.
Discussion about this post