Radio, online – Deputadu CNRT Natalino dos Santos lamenta tebes servisu Sekertario Estado Obras Publiku (SEOP) ne’ebe la konsege hadia estrada husi Kasa to’o Distritu Covalima.
“Tinan-tinan Governu AMP aloka osan barak ba area infresturutura maibe realidade iha Distritu Kovalima estrada sai prekupasaun ba povu akovalima,”dehan Natalino iha plenaria Tersa, (28/6), iha uma fukun Parlamentu Nasional.
Deputadu Kovalima oan ne’e la satisfas ho governu liu huis SEOP, tanba iha osamentu jeral do estadu 2009 governu aloka ba halo estrada dirasaun Ainaro Suai nian maibe realiodade laiha. La ejekuta pontu orsamentu ba infrastrutura nian ne’e.
Natalino hatutan, iha OJE 2010 nafatin tenta hodi hatama tan orsamentu maibe la realiza. “hau nudar reprejenta povu kestiona nafatin husu nafatin governu atu tau atensaun liu liu ba estrada husi Kasa to’o Kovalima,”Natalino hatete ho lian maka’as.
Iha fatin hanesan Deputadu Inacio Moreira husi Bankada FRETILIN hodi halo deklarasaun politika hatete, orsamentu ne’ebe governu AMP aloka iha tinan hat nia laran, gasta mais de sen miloens hanesan tokon atus ida resin maibe rejultadu estrada sei at nafatin.
Deputadu husi Fretilin ne’e fo apoiu ba Deputadu CNRT ne’ebe kestiona governu AMP nia ukun. Estrada sei sai prkupasaun hanesan Distritu Ainaro, Kovalima, Same, Quelicai, no mos distritu sira seluk.
Deputadu ne’e mos kompara deit iha Dili laran estrada kuak mak barak, taka estrada hanesan suku hena. Baban tunsae deit.“Estrada iha timor laran tomak nee kuaze at hotu,”Inacio lamenta.
Deputadu ne’e mos soe hela perguntas katak, tanba saida mak osan sira aloka barak maibe estrada sei kuak hela deit. Osan hirak nee ba ne’ebe . Presiza halo investigasaun ida ne’ebe klean ba osan sira ne’ebe aloka ba iha area estradas no ponte.
Discussion about this post