Radio, online – Komunidade Quinamoko, Distritu Lautem, Suku Tutuala agora dadaun ne’e menus aihan, hodi amesa ba hamlaha.
“Sira agora hahu fa’an sira nia animal no tais ne’ebe la merese atu fa’an. Maibe sira tenki fa’an hodi nune’e bele sosa fos,”dehan deputada Brigida Maria Correia iha uma fukun Parlamentu Nasional Tersa, (21/6).
Deputada husi bankada CNRT ne’e lamenta tebes ho kontrolasaun fos ho marka MTCI ne’ebe agora folin fos iha Distritu parte Leste ne’e kada saka ida iha $ 25,00.
“Hau ba iha ne;eba foin dadaun ne’e, hau hare sira nia infrenta duni ba menus aihan. Hau foti kestaun ne’e atu ita nia governu fo atensaun lalais,”dehan Brigida ho neon nakraik.
Reprezentante povu ne’e hateten katak, tuir kustumi kultura Fataluku sira nunka husu hahan ba ema seluk, maibe tanba situasaun nebe la permite ho kondisaun ne’ebe sira infrenta. Menus aihan ne’e impkatu husi dezastre naturais no mudansa klimatika. Komunidade ne’ebe halo to’os la bele hetan ai han nebe sufsiente atu hatutan moris. Menus aihan ne’e komesa fulan ne’en ona.
Agora dadaun komunidade suku Tutuala kumsumi aiha mak hanesan, kumbili, talas no nu’u. Maibe aihan sira ne’e mos komesa menus ona.
“hau husu ba MSS no MTCI atu hare ba situasaun ne’e sai hanesan programa urjente atu ajuda ita nia povu husi terus sosial ne’e,”Brigida apela.
Discussion about this post