Radio, online – Timor Leste Media Development Centre (TLMDC) hanesan instituisaun dezenvolve media iha TL, liu husi programa hasae kapasitasaun hodi aloka partisipantes 27 mak tuir formasaun jornalizmu baziku halao estajiadu iha media 10 mak ejisti iha TL.
Media sira mak simu estajiariu sira mak hanesan Dili weekly, Timor Post, Independenti, Business Timor, RTL, CRC, RALO, Audiovisual, Radio Liberdade, no Timornewsline.
Antes atu dezloka Diretor TLMDC Francisco da Silva Gary ba radio Liberdade hatete, treinamentu jornalizmu ba foin sae sira ne’e ba dala rua ona, treinamentu premeiru hahu iha tinan kotuk, 2010.
Objetivu husi trenamentu atu hasae kapasidade joven sira. Dalan importante liu oinsa joven sira bele hatene prosesu dezenvolvimentu iha nasaun ne’e.
TLMDC komprometida atu dezenvolve midia iha ida ne’e senti urjenti hodi halao treinamentu ba publiku ba klosan sira hodi halao knar relasionadu ho aktividades midia nian. nune’e mos iha treinamentu ne’e fo koinese diak ba foin sae sira atu hatene papel midia nian nasaun RDTL.
“hau husu ba imi halao knar nudar estajio tenki kumpri rejimentu interna midia idak-diak nia, atu nune’e bele halao knar ho diak. Estajio hanesan meius kokreta atu hatene lolos servisu nudar jornalista,”dehan Gary.
Diretor TLMDC ne’e enkoraza estajiariu sira atu badinas hanesn foin sae moris iha nasaun foin sae mos. TL nia futuru iha foin sae nia liman. Ho badinas no matenek diak mak bele dezenvolve pais ne’e.
Iha fatin seluk Diretor jornal Independente Mouzinho Lopes hatete, odamatan jornal Independente lakloke ba ema hotu, liu-liu ba foin sae sira atu buka aprende hamutuk hodi hadia prosesu dezenvolvimentu iha area komunikasuan nian.
Diretor ne’e husu ba estajiariu sira katak, jornal ne’e foin mak hari’i ne’e duni maioria staff sira mak servisu iha ne’e servisu la hatene kalan no loron. Husu ba estajiariu sira tenki mos halo netik buat ruma durante fulan rua nia laran.
“Loron ida hakerek notisias ida ka rua ne’e mos diak ona. Hau labele haka’as imi tanba imi mai aprende laos servisu buka osan,”dehan Muzi.
Discussion about this post