Dili Timornewsline, -Barbara das Rosas Maia de Carvalho hateten katak nia kontenti ho loron internasional ba labarik nian maibe nia mos senti triste tamba labarik sira seidauk goza direitu atu asesu ba edukasaun.
Carvailho hateten lia hirak ne’e iha Jardim da paz Lecidere Dili (01/06)
katak estudante hateten, maske nia kontente tebes ba selebrasaun loron
mundial labarik nian, maibe iha parte seluk nia triste uit-oan tamba
eskola barak iha Timor-Leste sei menus nafatin fasilidade atu fasilita
labarik no foin sa’e sira ne’ebe hakarak goza sira nia moris liu-liu iha
parte edukasaun nian.
“ hau husu ba inan aman sira atu kuda domin no paz respeita labarik sira
nia direitu atu nune’e labarik sira bele goza sira nia moris iha uma
laran tamba tuir hau nia hare labarik sira sei barak mak seidauk asesu
eskola ,” salienta Carvailho.
Hatan ba preokupasaun ne’e, Bispu dioseze de Dili Dom. Alberto Ricardo
da Silva iha nia diskursu katak, labarik tenki estuda barak hodi aumenta
sira nia kapasidade liu husi le’e biblia, livru tamba liu husi le’e bele
hatene buat barak.
“ hau husu ba labarik sira atu le’e Biblia no livru tamba liu husi le’e
ita bele hatene buat barak no bele prepara ita nia an atu foti ita nia
familia, ita nia povu no ita nia nasaun ba aban bain rua” tenik Dom
Alberto.
Dom Alberto aumenta tan katak, labarik no foin sa’e sira tenke halo
orasaun bei-beik, tuir misa no konfesa bebeik iha loron santu, atu
Maromak loke nafatin dalan mai ita, tamba labarik ki’ik oan no foin sa’e
sira mak esperansa ba familia, ba povu, ba nasaun no ba mundu tomak.
Iha fatin hanesan, Me. Sofia Neves, Fdcc hanesan profesora eskola
Primaria Canosa Has-Laran hateten katak objetivu husi labarik sira nia
partisipasaun ba selebrasaun loron mundial ba labarik nian ne’e, atu fo
hanoin ba labarik sira oinsa labarik sira bele komprende lolos sira nia
loron no oinsa sira mos bele goza sira nia moris iha sosiedade nia let.
“Ami halibur hamutuk iha fatin ida ne’e objektivu atu diverta labarik
sira no haksolok hamutuk iha loron ne’e atu labarik sir abele hatene
loron especial ne’e,” tenik Madre Neves
Me. Sofia aumenta katak, iha loron ne’e mos labarik sira iha intensaun
atu husu orasaun husi Amu Bispu Dom Alberto Ricardo da Silva atu nai
Maromak bele tau matan no proteze nafatin labarik sira.
Iha Selebrasaun ne’e marka prejensa husi amu Bispu Dioseje Dili no
reprejentante husi ministeriu justisa no iha biban ne’e komisaun
organijadora fahe mos medailha solidaridde husi joven Cánada ba
Journalista Timor – Leste. Lopo
Discussion about this post