Presiza kria justisa atu defende direitu labarik : Dom Ricardo

Dili,Timornewsline,- Dom Alberto Ricardo da Silva hateten Timor-Leste presiza kria justisa no paz hodi defende no hametin direitu labarik sira nian.

Amo Ricardo ko’alia lia hirak ne’e durante ninia diskursu iha Jardim da
Paz Lecidere hodi komemora loron mundiál labarik nian iha Kuarta (1/6).

Amo Ricardo mós husu ba inan-aman sira atu respeita labarik nia direitu
hahú husi uma laran.
“Ita presiza kuda justiça no paz iha ita-nia fuan no laran atu nune’e
bele halakon violensia  iha ita-nia rai doben Timor-Leste,”tenik amu
Ricardo.

Dom Ricardo salienta katak, labarik sira ne’ebé mak la hola parte iha
selebrasaun loron mundiál ba labarik ne’e atu kuda domin no paz hahú
husi uma laran atu nune’e domin no paz bele buras iha nasaun ne’e.

Iha parte seluk, professora Maria Quintão, husi EP Cannosa Has Laran
hateten Timor oan presiza kria justisa no unidade, husi labarik to’o
katuas atu nune’e ita bele hadok an husi violensia.

“Labarik sira mak fini no jerasaun ba futuru nasaun, inan aman tenki
eduka labarik sira hahú husi uma laran atu nune’e labarik sira bele sai
di’ak iha komunidade no ba nasaun,”sublina Quintão. Correia