Xanana Gusmao kritika Timor oan sira ne’ebé serbisu ba UNMIT

Dili, Timornewsline, – Premiru Ministru Xanana Gusmao kritika makas peritu Timor oan sira ne’ebé dadaun ne’e serbisu ba UNMIT, tamba sira hanesan fali atu defende ONU atu hela tempu naruk iha Timor-Leste.

Gusmao hateten nia rona ona relatoriu UNMIT nia ne’ebé dehan nudar ema ida ne’ebé empede ona prosesu hari’I demokrasia iha railaran.

“Ha’u kontenti atu rona UNMIT ninia relatoriu. Ha’u Xanana no ha’u nudar ema ne’ebé uluk implementa Marxizmu no Leninismu iha prosesu luta nnia no ha’u rasik sai hosi Fretilin hodi hakuak ema hotu no loke sistema multi-partidaria iha nasaun ne’e atu hametin demokrasia, maibe agora ema seluk dehan ha’u sai fali obstaklu ba dezenvolvementu ba demokrasia iha
railaran,” Gusmao dehan.

Gusmao aumenta katak nia sai hosi Fretilin no tamba ne’e ONU suporta Timor-Leste hetan ninia indepedensia., maibe iha prosesu dezenvolvementu nasaun nia ne’e, ema alega nia nudar obstalku ba prosesu hari’i demokrasia.

Gusmao mos dehan nia rejeita UNMIT ninia programa balun ne’ebé implementa iha 2008, tamba tarde liu atu implementa.

Gusmao salenta Timor oan sira ne’ebe sira ho UNMIT firmi hodi defende ONU atu hela naruk, tamba tuir sira UNMIT ajuda ekonomia nasaun nia.

UNMIT iha peritu barak, maibe laiha kapasidade nato’on hodi analiza kona-ba ha’u nia hanoin ba planu dezenvolvementu rai ne’e nia, dehan Gusmao. Josmel