Radio, online – Assosiasaun Diteitu, HAK fo apresia ba Tribunal Distrital Dili hodi tau justisa as ba ema hotu, hodi fo pena prizaun tinan lima (5) ba Ministra Justisa Lucia Lobato ne’ebe pratika komete kazu korupsaun no abuzu poder.
Programa Manajer Advogado HAK, Sisto do Santos iha nia servisu fatin ba radiloberdadedili.com Segunda, (11/06) iha Faro, Dili.
Aktivista ne’e hatutan, refere ba knar iha advogado dereitos humanus ho desizaun ne’e fo positivu ba publiku atu bele hatene oinsa lei ne’e vale ba ema hotu. Tantu ema bo’ot no ema povo ki’ik sira.
“Hau nia hare tribunal fo ona dalan pasu positivu atu nune’e ba see deit mak halo abuzu poder no halo korupsaun tenki hatan no fo kondenasaun pena prizaun,”Sisto komenta.
Tuir Sisto, agora daduan lei komesa atu lao tuir buat ne’ebe ema hotu hakarak. Hatur lei ne’e tenki imparsial no justu. Ho desizaun ne’e povu iiha ona konfiansa ba instituisaun juridiku.
Ikus liu Sisto dehan, ho pena prizaun tinan 5 Ministra Lucia Lobato ne’e hatudu ona vontade pesoalmente enfrenta hela kna’ar judisiaria nian.
“Hau espera ba oin laos deit ba Minstra Lucia Lobato, maibe ba ministru sira ne’ebe mak oras ne’e dadaun mosu deskonfia iha publiku no KAK bolu dadaun ona ne’e atu hakat lao tuir Lucia Lobato nian,”Sisto apela.
Discussion about this post