Radion, online – Bankada Fretilin iha prekupasaun bo’ot ba Parlamentu Nasional hodi husu atu aslera debate konaba proposta lei prevensaun no kombate branquamentu dos kapitais no finansiamentu aktividades terorismu.
Kestaun ne’e hato’o husi Deputadu Estanislau Alexio da Silva liu husi konferensia da emprensa Kuarta, (29/6) iha sala bankada Fretilin, Parlamentu Nasional.
Tuir Deputadu ne’e, proposta lei ne’e hetan tiha ona aprovasaun jeneralidade husi PN.
Diskusaun espesialidade ba proposta lei ne’e lao ho diak, maibe derepenti iha Deputadu balu hatama proposta hodi suspende ba diskuasaun, ne’ebe laiha razaun klaru.
Proposta suspensaun ne’e husu atu lei ne’ebe atu debate presiza halo harmonizasaun ho lei seluk iha instituisaun juridiku hanesan Ministeiru Publiku (MP) no Komisaun Anti Korupsaun (KAK).
Maibe Estanislau esplika klaru liutan, antes ne’e proposta lei konaba finasiamentu ba terorismu ne’e ba PN, iha mos konsultasaun ho komisaun C. Alende ne’e mos MP, KAK no banku BPA konkorda ho proposta lei ne’e. Autorridades hirak ne’e prontu simu aprovasaun lei ne’e no hodi halao nia implementasaun.
“Lei ne’e importante ba ita nia nasaun hodi trava krimi organizadu, hamenus risku ita nia rain bele sai alvo aktividades terorismu,”Estanislau komenta.
Estanislau hatutan tan, iha proposta lei ne’e mos fo mandatu obrigasaun ba Banku sira hodi buka tuir konaba origin no motivus ema ne’ebe hakarak halo transferensia osan bo’ot husi rai laran no rai liur, no entre kontas.
Partido mak konkorda hodi asina proposta ba lei ne’e hanesan partido Fretilin, CNRT, PD, ASDT. No sira seluk seidauk fo pontual.
Fo apoiu ba proposta lei ne’e Deputada Ciprina Pereirra hatete, kestaun lei ne’e mak la aprova husi PN sei iha impaktu ba estadu nia imajen nudar estadu anti KKN no anti terorismu. Fretilin nafatin esforsu ho partido sira mak asina ba proposta ne’e hodi dudu lei ne’e to’o finalidade no implenta iha nasaun ne’e.
“Ita la aprova lei ne’e suspeitu balu mosu kedas no nasaun balu bele dita ita, hanesan nasaun hola parte atu hakiak KKN no terorismu,”Ciprina kestiona. Cipriana husu mos ba Deputadu sira mak halo proposta suspende atu dada fali sira nia proposta tanba lei ne’e sei salva mos deputadu sira nia familia iha futuru.
Bankada Maioria parlamentar PD Deputada Getrudis Moniz apoia total ba proposta lei husi Fretilin ne’e hodi konsedera katak, lei ne’e importante hodi salva nasaun TL husi kirmi organizadu, drogadus no aktividades mafia sira nian.
“Ita nia nasaun ida ne’e presiza tebes lei ne’e tanba ita iha ilha ne’ebe riksu mos ba aktividades terorista nian,”nia friza.
Discussion about this post