Radio, online – Sekertaira Estadu Formasaun Professional Empregu (SEFOPE) ho Komisaun Nasional Salariu Minimu (KNSM) halao asina rekomendasaun hodi deklara salariu minimu ba publiku tomak hodi hatene konaba trablhadores sira nia salariu.
Liu hosi seremonia ne’e Sekertario do Estado Formasaun Empregu (SEFOPE) Bendito Freitas dehan, salariu minimu sei aplika ho durasaun tinan 2 hosi Komisaun Salariu Minimu (KNSM) bazeia ba lei regulamentu UNTAET numeru 5 2002 artigu 4 numeru 2 alinea C. Artiigu ne’e dehan, fo kompotensia ba estabelesementu salariu minimu bazeia ba ida mak KNSM halo studus komparativu halo peskiza durante besik tinan ha’at nia laran no halo diskusaun nomos liu hosi diskusaun ida ne’e SEFOPE ba halo aprezentasaun ba Konsellu Ministru.
Bendito afirma, salariu minimu ba trablhadores iha nasaun ida ne’e mak $115,00 ne’ebe mak ekivalenti mos ho salariu nivel 1 Funsaun Publika e depois de tinan 2 sei sujeita ba revizaun kuandu fornesesariu.
“Emprezariu sira aseita hotu e sira prontu atu implementa konaba lei ou determinasaun konaba salariu minimu ne’e no sira prontu atu fo apoi maksimu. Ami sei halo desiminasaun informasaun. Ba klase impregador nomos trablhadores sira bele hatene duni sira nia direitus, liu-liu trablhadores sira nia salariu minimu empregadores sira mos bele hatene konaba ida ne’e para atu labele iha separasaun ou distansiamentu ida ne’ebe bo’ot liu trablhadores sira nia direitus”Bendito esklarese.
Francisco Cabral Lay nudar emprezariu nasional dehan, emprezasiru sira tenke simu implementasaun salariu minimu ida ne’e tamba atu hadia trablhadores Timor oan sira. wainhira emprezariu nasional mak la implementa, emprezariu rai liur sei halo at liu ba trabalhadores Timor oan, hanesan akontese dadaun ne’e.
“Komesa ohin na oin sei hetan buletin diariu hosi goveru ninian liu hosi neba sei fo sai ita hotu-hotu tenke halo tuir ona, hanesan loja sira ne’e tenke selu ona $115,00 ba ita nia ema sira ne’ebe servisu,”Francisco apela.
Discussion about this post