Radio, online – Bombeirus Timor Leste liu husi nia komemorasaun ba 12 husu ba governu prepara rekursus ekipamentus hodi atende nesesidade.
Diretor Geral Bombeirus, Domingos Pinto ba Jornalista iha edifisiu Bombeirus iha Kaikoli hatete, ekipamentu Bombeirus seidauk to’o tamba ne’e, ekipamentus sei konsentra hotu iha Dili maibe seidauk koloka ba distritu.
Bombeirus nia kna’ar importante ba komunidade hotu hotu tamba ne’e husi ba komunidade atu labele intervene Bombeirus wainhira atende asidenti ruma iha komunidade nia le’et. Ekipa hatete ona ekipamentu saida mak uza wainhira mosu asidenti iha fatin ruma.
“Ami husu ba governo persiza ajuda ekipamentus no rekursu humanus para Bombeirus professional liu tan tamba vida bombeirus sira mos hanesan ho militar, sira mos presiza treino diak liu tan iha future,”nia husu .
Iha fatin hanesan Sekretariu Estado Seguransa (SES) Francisco Guterres informa Bombeirus nia kna’ar importante tebes tamba ne’e governu liu husi SES fo apoi kareta rua ba Bombeirus atu halo kna’ar .
Tuir SES nia hare Bombeirus hari iha 23 Abril 2000 to’o agora hau hare Bombeirus servisu barak halo ona no sira rasik mos iha komitmentu bo’ot atu servisi tamba ne’e governu mos tenke kria kondisoes minimu para sira halo servisu,”SES apela.
Francisco dehan, alende kondisoen minimu, ba oin presiza mos karera profesional tama Bombeirus mos presiza displina diak . Wainhira asidenti ruma mosu bele sai mos vitima tamba Bombeirus servisu hanesan military.
“Ami azuda kareta rua atu ajuda sira nia servisu iha furutu, tamba ne’e governu mos persija tau matam ba sira nia serbisu tamba todan ne’e,” Francisco akresenta.
Iha aniversairu ne’e hetan partisipa husi sekertairu Estadu Defeza, Julio Tomas Pinto, Prezidenti Fungsaun Publiku Liboriu Pereira no sekertriu Estadu Seguransa Francisco Guterres nomos familia husi membru Bombeirus.
Discussion about this post