Radio, online – Prezidenti Partido Sosial Demokratiku (PSD) Zacarias Albano da Costa apela ba militantes no apoiantes sira atu iha eleisaun Prezidensial ba segundu ronda hili tuir sira nia hakarak ho konsensia rasik, iha II ronda ba eleisaun mai ne’e.
Prezidenti PSD kasu lia hirak ne’e ba jornalista foin lalais ne’e. Zacarias hatutan iha eleisaun II ronda mai ne’e PSD fo livre ba ninia militantes no apoiuantes sira atu vota tuir sira nia konsensia rasik.
“Ami PSD sei simu tomak rezultadu husi eleisaun II ronda ne’e. Husi kandidatu nain 2 ne’e ida mak sai Prezidenti PSD sei ko’opera no fo apoiu ba prosesu dezenvolvimentu nasuan ho povu ne’e,”Zacarias komenta.
Iha eleisaun II rodan ne’e, kandidatu husi partido Fretilin Francisco Guterres ‘Lu-OLo sei kompete ho kandidatu Independente Taur Matan Ruak (TMR). Tuir ajenda iha dia 30 Marsu ba kadidatu nain rua ne’e sei halao kampaina to’o dia 15 de Abril. Iha dia 17 Abril sei halo votasaun.
Foin lalais liu ba mos Kandidatu Independente Lucas da Costa alias ‘Rama metan’ fo sai ba ninia apoiantes sira atu eleisaun II ronda ne’e vota ho livre no konsensia rasik.
“Ami sei la fa’an ami nia votus ba kandidatu mak tama ba II ronda, tamba povu nia votus ne’e sei la sosa ho osan,”dehan Rama metan.
Depois ne’e evolusaun politika lao, Partido KHUNTO, Bloku Proklamador ho kandidatu ne’ebe la liu hanesan Rogerio Lobato no Manuel Tilman halo deklarasaun politika fo apoiu ba Kandidatu Lu-Olo atu sai Prezidenti da Republika periodu 2012-2017.
Discussion about this post