Radio’online – Sekertariu Jeral Partido FRETILIN Mari Alkatiri, konsedera durante tinan lima Primeiru Ministru Kay Rala Xanana Gusmao lidera governu AMP maske gasta osan barak maibe la halo buat ida. Frakeza ne’e sei fo impkatu ba governu foun mai tamba inflasaun nasaun ne’e sae maka’as.
“Hau nia hare iha tinan lima Xanana la halo buat ida, governasaun foun sei simu todan tamba iha dividas barak, projeto la iha sustentavel. Inflasaun sae ba 20 %, uza osan barak gasta nar naran deit, ema ida rua mak goza,” Alkatiri lamenta.
See iha eleisaun mai mak FRETILIN forma governu ho frakeza husi AMP hanesan tali ida ba FRETILIN nia kakorok, maibe ida ne’e tenki simu, tamba nasaun ne’e povu Timor nian, FRETILIN tau as liu mak intereses povu nian.
Alkatiri apela ba governu oin mai tenke ho ema kapasidade, hodi hari governu. Importante governante sira labele matan lakan ba osan. Hari governu tenki hadomi povu, tamba atu liberta povu ne’e tenke hadomi povu maibe labele uza povu nia naran hodi hetan votus.
FRETILIN uluk hatudu katak osan la iha mais halo buat barak. Osan laiha mais hari hospital referal, osan laiha mais hari eskola iha Timor laran tomak, ne’e mak FRETILIN hatudu iha I governu konstitusional.
Alkatiri konsedera ho AMP nia mandatu atu remata, Primeiru Ministru Xanana Gusmao komesa fo sala ba Ministru no Sekretario Estado sira nomos fo sala ba ba emprezariu, tamba failansu no la konsege lori povu ba moris prospriedade.
“Hau hare AMP komesa rahun ba rahun oan, FRETILIN mana maioria iha eleisaun parlamentar mai mak sei salva nasaun ne’e,”friza Alkatiri.
Discussion about this post