Radio, online – Kandidatu Prezidensial Fernando Lasama de Araujo halao vizita National Press Centre (NPC) hodi konsedera katak, media iha nasaun ne’e importante tebes. Tuir Lasama media sai xafe ba dezenvolvimentu pais ne’e.
Aktual Prezidenti Parlamentu Nasional ne’e vizita ba NPC hanesan programa “meeting Press” Segunda, (13/2) Fatuhada, Dili.
Lasama hatutan, media maka kontribui ba nasaun ne’e liu husi aktividades oioin, iha rai laran nomos nasaun barak iha mundu ne’e.
Programa ne’e realiza husi Fundasaun Fundu Media (FFM),Ho Topiku programa koalia ho imprensa mak Papel Media Iha Eleisaun Presidensial 2012 ho objetivu atu halo kobertura ba kandidatu hot-hotu ho profesionalismu jornalismu nian no oinsa kandidatu hot-hotu nia garante ba liberdade imprensa durante eleisaun no iha futuru
Prezidente Partido Demokratiku ne’e mos dehan, media instituisaun ne’ebe mak importante tebes ba nasaun foun ne’e. Tuir Lasama media maka knal ida atu publika hatene saida mak governu halo saida no halo kritika ba ukun nain sira hanesan dalan positivu ba dezenvolvimentu.
Lasama husu mos ba media tenki kuda nasionalizmu. Media me’e faktor ida ne’ebe determina ba dezenvolvimentu emjeral ba estabilidade politika iha nasaun ida ne’e nian estabilidade politika emjeral estabilidade ba seguransa.
“Jornalista sira barak mak hakerek notisias seidauk los tamba bainhira hau lee jornali liafuan barak mak sala Tamba ne’e husu ba jornalista timor tomak tenki servisu ho professional,”Lasama akresenta.
Liu husi meeting press ne’e, kandidatu prezidenti ba priodu 2012-2017 ne’e dehan prontu no preparadu hodi kompete ho maluk Timor oan sira ne’ebe rejistu hamutuk 14.
“See povu fo fiar ba hau kaer nasaun ne’e hau xave importante tenki kaer metin konstituisaun tamba buat hot-hotu ne’ebe lao iha rai laran tenki kaer metin konstitusiusaun,”Lasama komenta.
Discussion about this post