Radio, online – Maske Timor Leste foin uku-an, iha tinan sia nia laran kuaze maioria estudante bele asesu internet. Iha Ticapro internet cafe ho folin baratu liu iha sidade Dili laran. Kada oras ida ba estudante no publiku sei selu deit $0,50 cent.
Tuir estudante Guido de Araujo husi Distritu Ainaro estuda iha Universidade UNTL ba radio onlione Kinta, (16/6) hateten, ho fasilidade internet estudante bele hetan informasaun barak husi no husi internet bele fasilita estudante nia nesesidade.
“Hau mai iha Ticapro internet café ne’e, hau rona husi radio no kolega sira. ne’ebe ho folin baratu oras ida selu deit $0,50 cent,”dehan Guido ho espersaun kontenti.
Iha sorin seluk Oktaviana estudante Sekundario Kristal, Oktaviana da Costa husi distritu Lautem, mos hateten, senti kontenti tanba mai asesu Ticapro internet cafe ne’e, sira la hasai osan barak. no fatin ho AC mos seguru ba ami.
“Ami mai iha Ticapro internet ne’e ami rona husi Radio no kolegra sira seluk katak nia folin barato no fatin mos seguru ba ami,” Oktaviana konfesa.
Iha oportunidade ne’e estudantes sira ne’e husu ba kompanha Ticapro internet cafe atu aumenta kapasitas internet atu bele halo aksesu lao- lalais ho diak liutan.
Arnaldo Junior ema ne’ebe mak kontrola Ticapro internet cafe hateten, folin Ticapro ne’ebe baratu ne’e hanesan meus ida hodi fasilita estudante ho publiku hodi asesu iha informasaun,komunika ba maluk sira iha rai laran no rai liur.
Importante liu ba estudante sira atu buka materia eskola ruma iha internet. Total estudante ho publiku loron ida asesu iha Ticapro internet cafe hamutuk 54 pesoas.
“Ami loke internet cafe laos atu buka osan deit maibe hodi fasilita estudante sira ne’ebe sira nia ekonomia sei fraku hodi mai asesu iha ne’e,”dehan Naldo.
Discussion about this post