Radio, online – Prezidenti Republika Jose Ramos Horta hateten, objetivu husi Dili Maratona ne’e hodi hametin dame, unidade nasional no fortifika foin sa’e sira. Tanba liu husi desportu ema koinese diak liutan nasaun TL no nasaun forte liutan.
Dili maratona Internasional ba dalarua ne’e sei relaiza iha aoron Sabado ne’e sei partisipa husi reperejentante husi Nova Iorke, Primeiro Ministru, membru governu no sidadaun ne’ebe tau naran hodi tuir Dili maratona ho distansia 7 km.
Prezidenti Republika Jose Ramos Horta fo sai asuntu liu husi konferensia da imprensa ho jornalista sira iha Palacio Prezidenti Republika Kinta, (16/6). Dili, Aitarak laran.
Dili maratona ne’e hanesan preparasaun mos ba Maratona ne’ebe sei realiza iha Loundres,Englatera.
Partisipantes iha Dili maratona ne’e Atleta koinesidu husi nasaun Kenya ne’ebe mak sai kampiun iha mundial nia mos marka prezensa. Dili maratona ne’e tuir kriteriu internasional.
“Ita espera maratona iha Sabadu mai ne’e diak liutan husi premeira faze nian. Hau husu komunidade Dili laran iha loron Sabadu hotu-hotu sai husi uma ba iha estrada ninin hodi anima atleta maratona sira,”Horta apela.
Iha fatin hanesan komandante polisia Distritu Dili Pedro Belo hateten, iha iventu Dili marathon ne’e polisia sei taka dalan ba kondutores hotu hotu tamba ne’e husu ba kondutores sira atu wainhira polisia halo nia knar lalika kontra.
Iha implementasaun iventu Internasional ne’e sekarik kondutor balun mak la respeito, polisia sei implementa lei trafiko nian prende
“Ami garantia katak iha Sabadu buat hotu sei lao tuir regras no garantia atleta sira halai tuir dalan laiha problema,”dehan Pedro ho atensaun.
Entertantu Prezidenti Federasaun Timor atletismu Afranio Xavier Amaral hateten mos, ba ivento Dili maratona ne’e, partisipante hamutuk atus rua limanolu resin tolu pesoas inklui mos husi estrajeiro. Ba premeiru lugar maratona full sei simu orsamentu hamutuk $ 5,000.00 ( dolar Amerikanu rihun lima).
Discussion about this post