Radio, online – Diretor Klinika Bairopite Daniel Murphy hateten, iha tempu moras tubercolose ho dengue sempre mosu no afeita maka’as ba labarik sira.
Diretor Klinika Bairopite kasu lia hirak ne’e ba radiolibedadedili.com iha nia servisu fatin, (12/1). Diretor Australianu ne’e dehan tan, moras maioria mak rejistu iha klinika ne’e dengue.
“Hau hare labaik sira ne’e krekas liu, menus nutrisaun maka halo ema baisa.
Ema barak hanesa ne’e, foin dadaun ne’e iha pasien ida hetan moras dengue todan maibe ami fo tratamentu agora diak ona,” Daniel esplika.
Daniel hatutan, dadaun ne’e klinika Bairopite seidauk halo rujuka pasiente halo tratamentu iha Hospital Nasional Guido Valadares (HNGV), maske hetan pasien ne’ebe moras todan dengue. Foin dadaun ne’e halo rujukan pasiente ida ho moras matan, maibe depois halo operasaun lori fila fali mai halo tratamentu iha klinika ne’e.
Daniel kompara tinan lima liuba ho agora, pasiente agora barak liu. Ministeiru Saude tenki iha programa diak liutan hodi hamenus susuk.
Discussion about this post