Komponente Naval Komemora Tinan 10 Kontrola Tasi Laran

Radio,  online   – Unidade komponente Naval halao serimonia aniversariu ba dala 10 hodi kontrola riku soin iha tasi laran no kontrola ro’o ilegais mak kaer iha tasi laran nomos transaksaun ilegal.

Alende serimonia aniversairu halao mos Natal hamutuk iha F-FDTL Kinta, (12/1) iha Hera, Metinaru.

Serimonia ne’e partisipa husi Prezidenti Parlamentu Nasional Fernando Lasama de Araujo, Primeiru Ministru Kay Rala Xanana Gusmao no korpu diplomatiku sira iha nasaun ne’e.

Major General Lere Anan Timor dehan katak, komponente Naval prejiza liu mak kestaun juridiku, tamba iha Naval to’oa agora seidauk iha lei ida konaba autoridade maritima.  Tamba ne’e seidauk bele rejista ro,o  ilegais halo kaptura ro’o ilegais. Maibe susesu balun ne’ebe forsa Naval halo durante ne’e kontra ona lei internasional.

“Hau husu ba governu atu hare kria lei autoridade maritima nian tamba agora uza hela lei internasional, lei ne’e la fo dalan ba forsa Naval hodi halo halo kapturasaun ba ro’o ilegal,” dehan Lere.

General fitun ruak ne’e hatutan, durante forsa Naval halao knar iha tinan 10 nia laran infrenta problema durante krize 2006  no problema juridiku.

Maibe tuir Lere krizi 2006 bele dehan mai konsolida determinasau, difikuldade no unidade. “Ita bele garantian katak ita nia instituisaun sei mentin hodi serbi ita nia nasaun no ita nia povo . Makse ho problemas ne’e governu iha posibilidade rezolve problemas balun.

Hatan ba problemas hirak ne’ebe Lere kestiona, Primeiru Ministru Kay Rala Xanana Gusmao  hateten,  saidak mak komandante F-FDTL dehan ona hanesan refleksaun hodi esforsa nafatin atu kapasita institusaun F-FDTL.

“Hanesan Genderal dehan Prosesu 2002 -2001 to 2006 prosesu natural dezenvolimentu ba nasaun foun tamba ne’e, ita halo refleksaun ba kotuk katak buat ne’ebe ita halo ita sei la halo tan, ita presiza mahon  ita presiza estabilidade nasun,”Xanana akresenta.

Xanana halo apelu ba forsa tomak iha F-FDTL nia laran”H au lakoin rona ema ida atu halo protesta, ohin tenki hare ba katus hanesan Lere ne’ebe durante tinan 24 nia laran la han la hemu terus oin oin ida ne’e ezemplo ida ba imi imi tenke tuir ezemplo ida ne’e . Imi atu hambrik loron tomak iha loron manas  tenki formeza tanba deit nasaun ho povu ida ne’e”.

Aktividade iha Natal hamtuk ne’e forsa Naval hatudu atraksaun oinsa forsa Naval bele hasoru inimigo iha rai maran no iha tasi laran.