Radio, online – Liu husi Natal hamutuk ho funsionairu sira Sekretariu Estado Promosaun Igualdade (SEPI), Idelta Rodrigues husu ba feto Timor Leste tomak atu hola oportunidade iha festa demokrasia hodi partisipa maximu iha eleisaun geral tinan ne’e nia laran.
Idelta kasu lia hirak ne’e iha serimonia Natal hamutuk Kuarta, (4/1) iha salaun Delta Nova, tema ba serimonia ne’e’ “Ho Ksolok Natal 2012 Kmanenk Tinan Foun 2012,Mai Ita Hakribi Violensia No Promove Igualdade Jeneru Diak Liu Iha 2012.
Idelta hatutan, iha tinan 2012 hanesan tinan istortiku ba povo TL tamba sei halao eleisaun geral. “Ita hotu sei tuir prosesu demokratiku iha ita nia nasaun republika demokratiku timor leste tamba ne’e ita hotu tenki kontribui,ho Paz hakmatek estabilidade atu feto ka mane kontribui partisipa ba iha prosesu la kleur tan ita hotu sei hola parte,”Idelta esplika.
Alende ne’e mos tuir SEPI tinan ida ne’e laos deit tinan eleisaun nian maibe hanesan tinan ultimu ba kuatro governu konstituisional.
“Ita selebra natal ida ne’e tamba ne’e hau espera katak, ita hotu sei nafatin servisu hamutuk atu koopera liu tan tuir tema nebe iha tiha ona atu espiritu tinan foun nian 2012 ita sei halo promosaun diak liu ba iha tinan ida nebe tuir mai,”nia esperansa.
Ikus liu Idelta dehan ba staff no parseiru ne’ebe servisu hamutuk ho SEPI katak, Promosaun igualdade generu prosesu ida nebe lori tempu narauk prosesu ida ne’ebe presisa servisu makas , ho korazen no pasensia atu nune’e ita hotu bele alkansa objetivu nebe ita hotu hakarak hetan.
Iha parte seluk representante UNMIT ne’ebe partisipa iha Seremonia Natal hamutuk ne’e hateten katak, nia hato’o boas festa do santo natal no ano novo ba Sekretariu estado promosaun iguladade Idelta Rodrigues hamutuk ho Staff tomak nebe durante ne’e servisu maka’as ba iha promosaun igualdade generu.
Discussion about this post