Radio, online – Festa demokrasia besik iha odamatan, iha eleisaun prezidensia nian veteranus iha uma fukun Parlamentu Nasional fo apoiu total ba kandidatu Taur Matan Ruak ba Prezidenti Republika (PR) periodu 2012-2017.
Veteranus Vidal de Jesus alias Riak Leman husi bankada PSD ba radioliberdadedili.com iha uma fukun PN dehan katak, depois Taur Matan Ruak rejigna-an husi militar hanesan Major General veteranus hanoin ona atu monta Taur ba PR lou husi eleisaun tinan ne’e.
Riak hatutan, durante Taur haleu Distritu konaba kandidatu, iha Mertutu Distritu Ermera veteranus husi rejiaun Kuatru Taur avansa ba PR.
“Hau hare Taur nia movimento maka’as tebes, tamba ba vizita fatin lulik no kontakto veteranus. Hau nudar veteranus mos hau apou Taur sai prezidenti iha tinan lima oin mai. Ami veteranus sempre kontaktu malu nafatin,”Raik komenta.
Iha sorin seluk Deputado Cornelio da Gama alias L-7 husi bancada UNDERTIM dehan, preimeru iha kandidatu 2002 entrega poder ba fundador FRETILIN durante tinan lima, iha 2007 entrega poder ba Frenti diplomatika ne’e mak Ramos Horta, tamba ne’e iha tinan lima oin mai tenke intrega poder ba veteranus no tinan lima fali mai sei entrega ba ba kaisa klandestina.
“Taur kontaktu ba Xanana ne’e nain rua nia segredo. Hau lahatene maibe ami veteranus ne’e ami konsulta malu nafatin.
Hanesan mos veteranus Maria Rosa Camara alias Bisoi husi bancada CNRT mos hateten, Taur nia pozisaun ba PR ne’e independente, tamba ne’e Taur kontak sempre kontaktu Maun Bo’ot Xanana hanesan ema resistensia.
“Ami nia relasaun konfiansa ba povo nia tau as liu tamba ne’e ami veteranus hamutuk nafatin hodi fo valor ba povu iha ukun-an ne’e liu husi dezenvolvimentu,”Bisoi akresenta.
Discussion about this post