Radio, Online – Ministru Ekonomia Dezenvolvimentu Joao Goncalves dehan ba povu Sub-Distritu Hola Rua, Distritu Manufahi katak, wainhira hakat ba tinan 2030 povu tomak iha teritoriu tomak livre husi kiak no mukit.
“hau mai iha ne’e hodi hare ho matan povu sira mak agora moris iha kiak nian laran. Nune’e mos saida mak hau hare hau sei aprezenta ba xefi governu hodi fo atensau susar ho terus mak povu agora infrenta dadaun,”dehan Ministru Goncalves iha Sesta, (10/6) foin lalais ne’e.
Goncalves hatutan, saida mak povu aprezenta ba estadu ne’e direitu povu nian. Goncalves mos promete katak iha 2012 sei nafatin MED sei esforsu servisu hamutuk ho Uniaun Eropeia hodi hadia estrada no ponte sira mak iha suku laran.
MED ne’e aumenta tan katak, ba oin ho orsamentu estadu tinan 2012 mai ne’e fo apoia ba Primeiru Ministru hadi estrada, ponte ba iha programa desentralizasaun (PDD III).
Iha fatin hanesan Administrador Sub-Distritu Alas, Fernando da Costa hatete, fo obrigadu ba MED ho nia komitiva ne’ebe konesge hakat mai sub-distritu no sukus sira mak sei iha izoladu nia laran. Liu husi vizita ne’e hodi hare ho matan saida mak povu sira iha ne’e infrenta. Tuir nia maioria povu sira iha Sub-Distritu Holarua sei moris iha risku kiak nia laran.
“Hau husu ba governu atu hare ba sukus sira ne’ebe mak iha produtu lokal barak maibe susar tebes atu asesu ba iha merkadu tanba kondisaun estrada la favorese, alende ne’e mos transporte minimu hodi asesu,”Fernando konfesa.
Jose da Costa nudar povu husi suku Taitudak liu husi MED husu ba governu atu fo atensaun ba estrada tanba iha tinan-tinan liu husi orsamentu jeral fo atensaun ba kondisaun estrada maibe osan rezultadu estrada at nafatin. Jose hatutan, hare husi geografia Timor ne’e ki’ik lolos ne’e jere didiak orsamentu nasaun ne’e avansa ona.
“hau husu mos be’e mos, hari merkadu no estrada ne’e mak importante ba ami hodi asesu ba iha programa dezenvolvimentu nasaun ne’e,”dehan Jose
Discussion about this post