Radio, online – Ministra Justisa Lucia Lobato informa ba komunidade sira mak lakoi sai iha rai mamuk iha Timor Plaza nia oin tenki sai ona, tanba komunidade laiha direitu atu hela iha rai estadu nian.
Ministra Justisa kasu lia hirak ne’e iha serimonia lansamentu relatoriu UN-Women, iha sentru formasaun juridika kaikoli, Dili. Ministra hato’o kestaun ne’e relasiona ho prekupasaun komunidade nomos sosiedade sivil balun kontra maka’as ba karta despaisu husi Ministeriu da justisa.
“To’o agora hau sedauk simu relatori husi hau nia Diretor teraspropriedade. Hau rasik prezidi enkontru ho komunidade sira iha 2010, atu hamanuk rai ne’e baTimor Plaza hodi halo projetu komersial,”dehan Lucia.
Ministra Justisa mos husu ba komunidade sira mak hela iha Timor Plaza nia oin ne’ebe lakoi sai los, tenke hatudu provas. Hanesan sertifikadu rai nian. Durante ne’e laiha komunidade ida mak reklama dehan rai ne’e iha nain.
“Hau dehan fo sai ba povu tomak rai iha Timor Plaza nia oin ne’e rai estadu nian. Rai ne’e mos konkorda husi governu ho Kompanha atu hari projetu,”nia hatutan.
Lucia mos husu ba komunidade la bele husu kompensasaun ne’ebe tuir sira nia hakarak. Kompanha sosa ona rai mamuk no halo uma ona ba komunidade. Maibe komunidade sira lakoi simu uma ne’e.
“Hau mos kontenti Fundasaun lia los lori ba tribunal ne’e diak liu tan atu ita koalia tuir lei,”Lucia apresia.
Jose Carvalho hateten, “Ami lakoi sai tamba lei ne’e la favorese ba povo ki’ik, tamba ida ne’e kontra prinsipiu luta nian,”nia komenta.
Jose mos rekoinese rai ne’e presiza iha dejenvolimento nasional, Mais dezenvolimento nasional atu lao ema estarjeiro mak bele halo. Husu ba atu governu atu tau lei hodi defende povu, laos atu hanehan povu.
Discussion about this post